الماتى قالاسىندا نۇرسۇلتان نازاربايەۆتىڭ قۇرمەتىنە ەسكەرتكىش ورناتۋ تۋرالى ۇسىنىس جاسالدى دەپ حابارلايدى Qamshy.kz اقپاراتتىق اگەنتتىگى.

مۇنداي ۇسىنىس "جاس وتان" جاستار قاناتىنىڭ قولداۋىمەن، ن.نازاربايەۆتىڭ قاتىسۋىمەن وتكەن حالىقارالىق كونفەرەنسيادا ايتىلدى.

"نۇرسۇلتان ءابىش ۇلى، ەلىمىزدىڭ دامۋى مەن كوركەيۋىنە ولشەۋسىز ۇلەس قوسقانىڭىز ءۇشىن الماتى قالاسىنداعى نازاربايەۆ داڭعىلىنىڭ بويىندا ءسىزدىڭ قۇرمەتىڭىزگە ەسكەرتكىش قويۋعا رۇقسات بەرۋىڭىزدى سۇرايمىز"، - "جاس وتان" جاستار قاناتىنىڭ باسشىسى ءمادي احمەتوۆ.

"راحمەت، جاستاردىڭ اتىنان وسىنداي ۇسىنىستاردىڭ ءتۇسۋى قۋانتادى. الايدا مەن مۇنداي ەسكەرتكىشتەردىڭ سالىنۋىنا قارسىمىن. مەن الدارىڭدا وتىرمىن. ەسكەرتكىشتىڭ نە قاجەتى بار؟" - دەپ كۇلە سۇراق قويعان ەلباسى ارتىنشا:  "مەن پرەزيدەنت ەمەسپىن، مەنىڭ قولىمدا تۇرعان ەشتەڭە جوق. ەگەر حالىق قالاسا، مەنىڭ باس تارتۋعا قۇقىم جوق. راحمەت سەندەرگە. باقىتتى بولىڭدار!" - دەپ ءسوزىن تۇيىندەدى.

ن.نازاربايەۆ 1989 جىلى 22 ماۋسىمدا قازاقستاننىڭ ورتالىق كوممۋنيستىك پارتياسىنىڭ ءبىرىنشى حاتشىسى بولىپ سايلانىپ، ەلىمىز تاۋەلسىزدىك العاننان كەيىن 30 جىلعا جۋىق ۋاقىت بيلىك باسىندا بولدى. 

اۋدارعان: اقجىبەك ارالبەك