قازاقستاننىڭ تۇڭعىش پرەزيدەنتى - نۇرسۇلتان نازاربايەۆتىڭ سيرەك ۆيدەوسى جاريالاندى دەپ حابارلايدى Qamshy.kz اقپارات اگەنتتىگى پرەزيدەنت تەلەراديو كەشەنىنىڭ Instagram پارقشاسىنا سىلتەمە جاساپ.
ۆيدەودا ەلباسىنىڭ وڭىرلەردى العاش رەت ارالاپ جۇرگەن ءساتى تۇسىرىلگەن.
"باتامەنەن ەل كوگەرەر دەمەكشى، باتا بەرۋ ءداستۇرى باعا جەتپەس قۇندىلىعىمىز جانە ءداستۇرىمىز.سونداي ىزگى جانە ماعىناسى زور باتالاردىڭ بىرى-ەلباسشىعا بەرىلەتىن باتا بوپ سانالادى. مىنەكەي، نازارلارىڭىزعا وسىنداي تاريxي وقيعانىڭ كينوحرونيكاسى تەلەراديوكەشەننىڭ جاڭا جوباسى «ليدەر ەپوxي نەزاۆيسيموستي" اتتى دەرەكتى فيلمىندە ءوز ورنىن تاپقان"، - دەپ جازادى پرەزيدەنتتىڭ تەلەراديو كەشەنى.
جەرگىلىكتى اقساقالداردىڭ رەسپۋبليكانىڭ جاڭا باسشىسىنا باتاسىن بەرگەن ساتتەرى بەينەلەنگەن. كادردان اقساقالداردىڭ ەلباسىعا قامشى سىيلاعانىن دا بايقاۋقاۋعا بولادى.
اقساقالداردىڭ ءبىرى: "قامشىنى كورگەن كەزدە، ءبىزدى ەسىڭىزگە الا ءجۇرىڭىز"، - دەيدى.
پرەزيدەنت قالجىڭعا سۇيەنىپ: "مىنا قامشىنى اۋدان باستىعىنا، سوۆحوز باستىعىنا كورسەتىپ قويۋ كەرەك ەكەن اندا-ساندا. وبلىس باسشىنان باستاپ... ءتارتىپ بولماسا، بولمايدى دەگەن ءسوز عوي"، - دەيدى تۇڭعىش پرەزيدەنت ءازىل-شىنى ارالاس.
پىكىر قالدىرۋ