بۇل سۇراققا ق ر ءبىلىم جانە عىلىم مينيسترلىگى جوعارى جانە جوعارى وقۋ ورىنان كەيىنگى ءبىلىم دەپارتامەنتىنىڭ ديرەكتورى ادىلەت تويبايەۆ جاۋاپ بەردى دەپ جازادى Qamshy.kz اقپارات اگەنتتىگى. 

"ارىستا ۇلتتىق ءبىرىڭعاي تەست تاپسىراتىن ءبىر پۋنكت بولاتىن. ول قالاداعى №1 مەكتەپتە ورنالاسقان. جالپى، بۇل وڭىردە 779 تۇلەك تەست تاپسىرۋعا ءوتىنىش قالدىعان ەدى. سونىڭ ىشىندە 772ء-سى تەستىلەۋدەن ءوتتى. ياعني 98 %-ى تاپسىردى. ولار 21 جانە 23-ماۋسىم كۇندەرى ەكى لەكپەن تاپسىردى. كەشە 24-ماۋسىمدا ساعات 09:00-دە قالاداعى №1 مەكتەبىندە اپەللياسيالىق كوميسسيا ءوز جۇمىسىن باستاعان بولاتىن. وكىنىشكە قاراي، سول ۋاقىتتا اسكەري بولىمشەدەگى جارىلىستان كەيىن كوميسسيا جۇمىسى توقتاپ قالدى"، - دەيدى ادىلەت تويبايەۆ.

ونىڭ ايتۋىنشا، زارداپ شەككەن ەشكىم جوق. ارىس قالاسىندا ءبىلىم جانە عىلىم مينيسترلىگىنىڭ 12 وكىلى جۇمىس ىستەگەن.

"قازىرگى ۋاقىتتا مينيسترلىكتىڭ 12 مۇشەسى شىمكەنت قالاسىندا. ەندى، 10-شىلدەدە ەلورداعا قايتادى. تەك كوميسسيا ءتوراعاسى سوندا قالادى. جاعداي تۇراقتالعان سوڭ بۇل اپەللياسيانى وتكىزەتىن بولامىز. ويتكەنى، اپەللياسيانى وتكىزىپ ۇلگەرمەدىك. ءالى 30-ماۋسىمعا دەيىن ۋاقىتىمىز بار. ەگەر ۇلگەرمەي جاتساق، ونىڭ ۋاقىتىن سوزامىز"، - دەدى مينيسترلىك وكىلى.

ۇسىنعان: اقجىبەك ارالبەك