"پاري سەن-جەرمەن" جانە برازيليا قۇراماسىنىڭ شابۋىلشىسى نەيمار كاتالوندىق "بارسەلونامەن" اۋىزشا كەلىسىمگە قول جەتكىزدى دەپ حابارلايدى Qamshy.kz اقپارات اگەنتتىگى Sport.es سايتىنا سىلتەمە جاساپ. 

باسىلىمنىڭ اقپاراتى بويىنشا، قوس تاراپ بەسجىلدىق كەلىسىمشارتقا قول قويدى. بۇل رەتتە برازيليالىق كاتالوندىقتارمەن كەلىسسوزدەر جۇرگىزبەي، كلۋب باسشىلىعى ونىڭ ترانسفەرىن قالاي جۇزەگە اسىراتىنىن تۇسىنە وتىرىپ، وعان ۇسىنىلعان شارتتارعا كەلىستى.

كەلىسىمشارت بويىنشا نەيمار قازىرگىگە قاراعاندا ءبىر جارىم ەسە از جالاقى الادى. قازىرگى ۋاقىتتا 27 جاسار فورۆارد ەڭ جوعارى اقى تولەنەتىن فۋتبولشىلار تىزىمىندە ەكىنشى ورىنعا يە. "بارسەلونادا" فۋتبولشىنىڭ جالاقىسى 24 ميلليون ەۋرونى قۇرايدى.

بۇعان دەيىن حابارلانعانداي، "بارسەلوناعا" ورالۋ ءۇشىن نەيمار دا كلۋب جانكۇيەرلەرىنىڭ الدىندا كەشىرىم سۇراپ، ونىڭ پسج-عا ءوتۋى 2017 جىلدىڭ جازىندا قاتە بولعانىن مويىنداۋعا دايىن.

ەكى جىل بۇرىن پاريجدىكتەر برازياليالىق اياقدوپشىنى 222 ميلليون ەۋروعا ساتىپ العان. 27 جاسار فورۆاردتىڭ پسج-مەن كەلىسىمشارتى 2022 جىلدىڭ 30-ماۋسىمىنا دەيىن ەسەپتەلگەن. وتكەن ماۋسىمدا برازيليالىق فورۆارد 15 گول سوعىپ، فرانسيا چەمپيوناتىنىڭ 17 ماچىندا جەتى ناتيجەلى پاس بەردى.

اۋدارعان: اقجىبەك ارالبەك