تۇركىستان وبلىسى ارىس قالاسىنداعى جارىلىستار سالدارىنان 3 ادام قازا تاپتى Qamshy.kz اقپارات اگەنتتىگى دەپ حابارلايدى تengrinews.kz سىلتەمە جاساپ. 

ارنايى تەحنيكامەن بەلگىلەنگەن جانە كوشىرۋگە دايىندالعان 24 جاۋىنگەرلىك سنارياد تابىلدى. تۇركىستان وبلىسى دەنساۋلىق ساقتاۋ باسقارماسىنىڭ مالىمەتتەرىنە سايكەس، مەديسينالىق كومەككە 70 ادام جۇگىنگەن، ونىڭ 45ء-ى اۋرۋحاناعا جاتقىزىلىپ، 3 ادام قازا بولعان.

"26 ماۋسىمداعى 6.00 جاعداي بويىنشا توتەنشە جاعداي مەن ونىڭ سالدارىن جويۋ ورنىندا ءىىم-نىڭ كۇشتەرى مەن قۇرالدارىن توپتاستىرۋ جەكە قۇرامنىڭ 1251 ادامى جانە 188 بىرلىك تەحنيكا جۇمىلدىرىلعان، ونىڭ ىشىندە: ازاماتتىق قورعاۋ ورگاندارىنىڭ 346 قىزمەتكەرى مەن 48 بىرلىك تەحنيكاسى، 358 قىزمەتكەر مەن 75 بىرلىك پوليسيا تەحنيكاسى، 547 اسكەري قىزمەتشى مەن 65 بىرلىك تەحنيكالارى بار. 

ارىس قالاسىنىڭ اۋماعىندا تجك ءورت ءسوندىرۋ قىزمەتىنىڭ كۇشىمەن 52 ءورت جويىلدى (ءبىر كافە عيماراتى، 24 تۇرعىن ءۇي، 10 شارۋاشىلىق قۇرىلىستار، 17 تابيعي ءورت). تۇركىستان وبلىسى پوليسيا دەپارتامەنتىنىڭ، ۇلتتىق ۇلاننىڭ قىزمەتكەرلەرى ارىس قالاسىن قورشاپ، كۇزەتىپ ءجۇر. سونداي-اق قالانىڭ پەريمەترى بويىنشا بەكەتتەر قويىلعان.

وبلىستىق پوليسيا دەپارتامەنتىنىڭ قىزمەتكەرلەرىمەن 3 توناۋ فاكتىسى انىقتالدى. قورعانىس مينيسترلىگى ۇشقىشسىز ۇشۋ اپپاراتىن قولدانا وتىرىپ، اەروۆيزۋالدى بارلاۋدىڭ ناتيجەسىندە اسكەري ءبولىمنىڭ اۋماعىندا اشىق جانۋ جوق ەكەندىگى انىقتادى.

قورعانىس مينيسترلىگىنىڭ ساپەرلىك بولىمشەلەر سانى 14 توپ، جالپى سانى 145 ادام. ارنايى تەحنيكامەن بەلگىلەنگەن جانە كوشىرۋگە دايىندالعان 24 جاۋىنگەرلىك سناريادتار تابىلدى.