26 ماۋسىم كۇنى تاشكەنت قالالىق سوتى وزبەكستاننىڭ بۇرىنعى باس پروكۋرورى راشيد قادىروۆتى 10 جىلعا سوتتادى دەپ جازادى Qamshy.kz اقپارات اگەنتتىگى ازاتتىققا cىلتەمە جاساپ.
ازاتتىقتىڭ جازۋىنشا، سوت پروكۋروردى "پارا الدى، بوپسالادى، قارجىلىق الاياقتىق جاسادى، سالىق تولەۋدەن جالتاردى، ءادىل سوتقا كەدەرگى كەلتىردى" دەپ ايىپتاعان.
قادىروۆپەن بىرگە تاعى 12 ادامعا دا ۇكىم وقىلدى. ولار ءار ءتۇرلى مەرزىمگە سوتتالدى. ارالارىندا ەڭ ۇزاق مەرزىم - 19 جىلعا قامالعانى دا بار.
قادىروۆ بىلتىر اقپان ايىندا ۇستالعان. ال سوت وتىرىسى بيىل قاڭتاردا باستالعان.
وزبەكستاننىڭ باس پروكۋراتۋراسىن 15 جىل بويى باسقارعان، بۇرىنعى پرەزيدەنت “يسلام كاريموۆ گۆاردياسىنداعى” شەنەۋنىكتەردىڭ ءبىرى رەتىندە اتالاتىن راشيد قادىروۆتى قازىرگى پرەزيدەنت شاۆكات ميرزيايەۆ بيلىككە كەلگەن سوڭ بىرنەشە رەت اشىق سىناعان. ميرزيايەۆ 2017 جىلى تامىزدا پروكۋراتۋرا قىزمەتكەرلەرىن "ۇرىلار" دەپ اتاعان.
پىكىر قالدىرۋ