ارىس كوشەلەرىندە جارىلماعان 5700 سنارياد تابىلدى. بۇل تۋرالى Qamshy.kz اقپارات اگەنتتىگى تۇركىستان وبلىسى باسپا ءسوز قىزمەتى سىلتەمە جاساپ حابارلايدى.
اكىمدىك تاراتقان اقپاراتقا سايكەس، اپاتتى جويۋ ايماعىنا ءىىم جەكە قۇرامىنان 1488 قىزمەتكەرى مەن 189 تەحنيكا تارتىلدى. سناريادتاردى 408 ادامنان تۇراتىن 43 ساپەر توپتارى ىزدەۋدە. ارىس ايماعى بويىنشا جارىلماعان سناريادتاردان تازارتۋ جۇمىستارى جۇرگىزىلۋدە. ىزدەۋ شارالارى اسكەري گورنيزون، تەمىر جول ستانسيالارى مەن جولدارىندا قاراستىرىلۋدا.
تابىلعان سناريادتارى ارنايى تەحنيكامەن شىعارىلادى.
“ارىس قالاسىنىڭ 16 بولىگى جانە 11 كيلومەتر تەمىر جولدارى ينجەنەرلىك تەحنيكامەن تازارتىلدى. قازىرگى تاڭدا، قورعانىس مينيسترلىگىمەن تۇرعىن ۇيلەر مەن كوپقاباتتى ۇيلەردە بىرگە تازارتۋ جۇمىس جۇرگىزىلۋدە”، - دەلىنگەن حابارلامادا.
پىكىر قالدىرۋ