26 ماۋسىم كۇنى اتىراۋ قالاسى دوستىق ۇيىندە قازاقستان حالقى اسسامبلەياسىنىڭ وبلىستىق كاسىپكەرلەر اسسوسياسياسىنىڭ وتىرىسى ءوتتى دەپ حابارلايدى Qamshy.kz اقپارات اگەنتتىگى اتىراۋ وبلىسىنىڭ وڭىرلىك كوممۋنيكاسيالار قىزمەتىنە سىلتەمە جاساي وتىرىپ.
«JAGSYLYQJASA» جوباسىنىڭ اياسىندا «جاڭعىرۋ جولى» قحا رەسپۋبليكالىق جاستار قوزعالىسى تۇركىستان ايماعىنا بارۋ ءۇشىن ەرىكتىلەر توبىن قۇرۋعا ارنالعان ناۋقانىن باستادى.
"اتىراۋ وبلىسى ارىس تۇرعىندارىنا كومەكتەسۋگە نيەت بىلدىرگەن العاشقى ايماق بولدى. قازىرگى كەزدە توتەنشە جاعداي ورنىنا باراتىن ەرىكتىلەر توبىن قۇردى. ەرىكتىلەر توبىنىڭ مۇشەسى بولعىسى كەلەتىندەر بىزبەن 8702 000 09 50 بايلانىس ءنومىرى بويىنشا حابارلاسا الادى. بارىپ كەلۋ جانە ول جاقتاعى كۇنكورىسكە كەتەتىن قاراجات ەرىكتىنىڭ ءوز ەسەبىنەن تولەنەدى"،- دەيدى «جاڭعىرۋ جولى» جق باسقارماسىنىڭ باسشىسى تاميلا روزمەتوۆا.
سونداي-اق، جيىندا ارىس قالاسىنان ەۆاكۋاسيالانعان ادامدارعا كومەك رەتىندە قاراجات جينالدى.
"ءبىز 2 ميلليون 800 مىڭ تەڭگە جينادىق. «ۆايناح» شەشەن-ينگۋش ەتنومادەني بىرلەستىگىنىڭ مۇشەلەرى ەڭ كوپ ۇلەس قوستى. قيىن كەزەڭدە كومەكتەسكەن بارلىق جاندارعا العىسىمىزدى بىلدىرەمىز، بۇل - ەلىمىز ءۇشىن باعا جەتپەس ۇلكەن كومەك"، - دەيدى اتىراۋ وبلىسىنىڭ قحا ءتوراعاسىنىڭ ورىنباسارى گۇلميرا شاكىروۆا.
پىكىر قالدىرۋ