بتا بانكىنىڭ ەكس-باسشىسى مۇحتار ءابليازوۆتىڭ جەتى سىيبايلاسىنىڭ تەرگەۋ ءىسى پروكۋراتۋراعا جىبەرىلدى. بۇل تۋرالى سىبايلاس جەمقورلىققا قارسى تەرگەۋ دەپارتامەنتىنىڭ جەتەكشىسى سەرگەي پەروۆ ايتتى دەپ حابارلايدى Qamshy.kz اقپارات اگەنتتىگى.
پەروۆتىڭ ايتۋىنشا، تەرگەۋ اعىمداعى جىلدىڭ مامىر ايىندا اياقتالدى. شەتەلگە قاشىپ كەتكەن كۇدىكتىلەر قازاقستانعا ءوز ەرىكتەرىمەن قايتا ورالدى.
ەلگە قايتىپ كەلگەندەردىڭ ءبىرى - ءابليازوۆتىڭ قولىندا بولعان "يپگ ەۆرازيا"، "ەۆرازيا سيتي" جانە "سلاۆينۆسەتبانك" ديرەكتورلار كەڭەسىنىڭ جەتەكشىسى ارتۋر تروفيموۆ.
تروفيموۆتان بولەك قازاقستانعا كەلگەندەر:
- رەسەيدەگى بانكتىڭ زاڭگەرى ماكسيم حابلوۆ
- ءابليازوۆقا تيەسىلى كومپانيالارىنىڭ جەتەكشىسى انار ءابدىحايموۆا
- بانكتىڭ نەسيە كوميتەتىنىڭ مۇشەسى ۆالەريي نالوبين
- ۆەنگريادان نەسيە باسقارماسىنىڭ باسشى ورىنباسارلارى ەرجان كادەسوۆ جانە زاۋرە ءجۇنىسوۆا
- ءباا-نەن بتا بانك نەسيە كوميتەتىنىڭ جەتەكشىسى اناتوليي پوگورەلوۆ.
"بۇلاردىڭ بارلىعى دا ءابليازوۆ ۇيىمداستىرعان بتا بانكتىڭ قارجىسىن تالان-تاراجعا سالدى" دەپ ايىپتالۋدا.
پىكىر قالدىرۋ