ق ر پرەمەر-مينيسترىنىڭ ورىنباسارى گۇلشارا ءابدىقالىقوۆا پرەزيدەنت باستاماسىمەن ەڭ العاشقى بولىپ كىمدەردىڭ نەسيەسىنىڭ پايىزدىق ۇستەمەسى وتەلەتىنى تۋرالى تۇسىنىكتەمە بەردى دەپ جازادى Qamshy.kz اقپارات اگەنتتىگى.

"بىرىنشىدەن، بۇل كومەكتى كوپبالالى انالار، قامقورشىسىن جوعالتقان وتباسىلار، 18 جاستان اسقان مۇگەدەكتەردى بالا كەزىنەن اسىراپ كەلە جاتقان وتباسىلار، مەملەكەتتىك جاردەماقى الاتىندار، جەتىم بالالار، اتا-انا قامقورلىعىنسىز وسكەن 29 جاسقا دەيىنگى ازاماتتار"، - دەدى گۇلشارا ءابدىقالىقوۆا.

"سوڭعى ەكى-ۇش اي ىشىندە ءبىز حالىقپەن وبلىستاردا، ەلوردادا كوپ كەزدەستىك. ازاماتتاردى دا بارىنشا قابىلدادىق. ءبىز بۇل سۇراقتى تالقىلاۋ بارىسىندا اتالعان ساناتقا قانداي دا ءبىر ايفون، تەلەديدار سىندى قىمبات زاتتار العان ازاماتتار كىرمەيدى. ولاردىڭ تابىسى ىشىپ-جەۋگە، دارى-دارمەككە، ەمگە جەتپەيدى دەپ ويلامايمىن"، - دەپ توتەسىنەن تارتتى ورىنباسار.

ەسكە سالا كەتەيىك، قاسىم-جومارت توقايەۆ ءومىر ءسۇرۋى قيىنداعان ازاماتتاردىڭ نەسيەسىن وتەۋ تۋرالى بۇيرىق شىعارعان بولاتىن.