تۇركىستان وبلىسىنىڭ اكىمى ءومىرزاق شوكەيەۆ ارىس تۇرعىندارىمەن كەزدەسىپ، تولقۋلارعا قاتىستى پىكىر ءبىلدىردى دەپ جازادى Qamshy.kz اقپارات اگەنتتىگى.

ول "اقمەشىتتىڭ" ماڭىندا جينالعان ءبىر قاۋىم ەلدىڭ ارىز-شاعىمىن تىڭداپ، ءوز جوسپارىمەن ءبولىستى.

"ارانداتۋشىلاردى تىڭداماڭىزدار. مەنى تىڭداڭىزدار! ءبىز بىرگە بولۋىمىز كەرەك. ارىس قالاسىندا ەشقانداي رادياسيا جوق. سول جاقتا سىزدەردىڭ ۇيلەرىڭىزدى جوندەپ، جارامايتىن ۇيلەردى قايتا سالىپ بەرەدى. سودان كەيىن سول ءۇيدى ساتاسىزدار ما، وزدەرىڭىز شەشەسىزدەر"، - دەدى ءومىرزاق شوكەيەۆ.

ايتا كەتۋ كەرەك، وبلىس باسشىسىنان بۇرىن جيىلعاندارمەن قالا اكىمى عابيدۋللا ءابدىراحىموۆ كەزدەسكەن.

"سىزدەر شىمكەنت قالاسىنان ءۇي بەرۋدى تالاپ ەتىپ وتىرسىزدار. سىزدەر سياقتى، مۇگەدەكتەر، تابىسى از ازاماتتاردان قۇرالعان 130 مىڭ ادام كەزەكتە تۇر. مەن ولارعا نە ايتۋىم كەرەك؟ "مەن سىزدەرگە بەرمەيمىن، ارىستىقتارعا بەرەمىن" دەيمىن بە؟! ولار دا ادام عوي... ارىس – جاقسى قالا، ەكونوميكاسى وسەدى. ستانسيا بار. بىرنەشە كۇننەن كەيىن سىزدەردىڭ قالادا ەشقانداي جارىلعىش زات قالمايدى. جاڭا ۇيلەر، جاڭا جولدار سالىنادى"، - دەدى ول ارىس تۇرعىندارىنا.

ايتا كەتۋ كەرەك، ارىس قالاسىنىڭ شىمكەنتكە ەۆاكۋاسيالانعان تۇرعىندارى مەشىت ماڭىنداعى جولدى جاۋىپ، وزدەرىنىڭ تالاپ-تىلەكتەرىن ايتقان-دى.