قازاقستان رەسپۋبليكاسىنىڭ پرەزيدەنتى قاسىم-جومارت توقايەۆ سيفرلىق دامۋ، قورعانىس جانە اەروعارىش ونەركاسىبى ءمينيسترى اسقار جۇماعالييەۆتى قابىلدادى دەپ حابارلايدى Qamshy.kz اقپارات اگەنتتىگى اقورداعا سىلتەمە جاساپ.
مينيستر مەملەكەت باسشىسىنا مينيسترلىكتىڭ قازىرگى ۋاقىتتا جۇزەگە اسىرىپ جاتقان جوبالارىن تانىستىرىپ، "سيفرلى قازاقستان" مەملەكەتتىك باعدارلاماسىنىڭ، جاساندى ينتەللەكتىنى دامىتۋدى ىسكە اسىرىلۋ باعىتىن باياندادى.
قاسىم-جومارت توقايەۆ ءوز كەزەگىندە مينيسترلىكتىڭ قازىرگى ۋاقىتتا جاساپ جاتقان جۇمىسىنىڭ ماڭىزدىلىعىن اتاپ ءوتىپ، ەل ەكونوميكاسى مەن ازاماتتارعا كورسەتىلەتىن مەملەكەتتىك قىزمەتتەردى اۆتوماتتاندىرۋدى، سيفرلى جۇيەگە كوشىرۋدى تاپسىردى.
"قازىرگى ۋاقىتتا ازاماتتارعا مەملەكەتتىك قىزمەتتەردى پايدالانۋدا قيىندىق تۋعىزاتىن بارلىق ۇدەرىستەردى اۆتوماتتاندىرۋ كەرەك. ازاماتتار كەز-كەلگەن ساپالى مەملەكەتتىك قىزمەتتەردى اۆتوماتتى تۇردە الۋى ءتيىس"، - دەدى مەملەكەت باسشىسى.
سونداي-اق، مينيستر ەلىمىزدەگى ءداستۇرلى تۇردە وتەتىن ءىت-ستارتاپتاردىڭ حالىقارالىق تەحنوپاركى سانالاتىن Astana Hub يننوۆاسيالىق ەكوجۇيەسىنىڭ جوبالارى تۋرالى باياندادى.
اسقار جۇماعالييەۆ كەلتىرگەن فاكتىلەر نەگىزىندە سويلەسەك، قازىرگى ۋاقىتتا تەحنوپارك شتاتتىق رەجيمدە جۇمىس جاسايدى. 260 كومپانيانىڭ اكسەلەراسيادان ءوتۋى ناتيجەسىندە قازاقستان قازىناسىنا 28 ميلليارد تەڭگەگە جۋىق قارجى تارتىلعان.
پىكىر قالدىرۋ