الماتى تۇرعىنى جاڭا اكىم باقىتجان ساعىنتايەۆقا سەيفۋللين داڭعىلىندا تۇراتىن جەزوكشەلەرگە قاتىستى شاعىم ايتتى دەپ حابارلايدى Qamshy.kz اقپارات اگەنتتىگى Tengrinews.kz سايتىنا سىلتەمە جاساپ.

"ايتايىن دەگەنىم، سەيفۋللين كوشەسىندەگى جەزوكشەلەر تۋرالى. ولار تەمىر جول ۆوكزالىنان باستاپ تۇرادى. قىزدار ءوز قىزمەتىن ۇسىنۋدان قىمسىنبايدى. وتباسىڭمەن، بالالارىڭمەن بۇل ارادان وتە المايسىڭ. مەن ءۇشىن بۇل ۇيات جاعداي. پوليسيا قىزمەتكەرلەرى دە كۇرەسىپ جاتىر، ءبىراق ناتيجەسىز. بۇل جەردە ءجۇرۋ وتە ۇيات"، - دەدى تۇرىكسىب اۋدانىنىڭ تۇعىنى ءادىلجان رازييەۆ.

"ايتىلدى، بۇيرىق بەرىلدى. مەن وعان (الماتى پوليسيا باسقارماسىنىڭ باستىعىنىڭ ورىنباسارىن مەڭزەپ - رەد.) بىردەن ىسكە كىرىسۋدى تاپسىردىم. ەگەر ناتيجە شىقپاسا، ولار كۇرەسىپ جاتقان جوق دەگەن ءسوز. ياعني ولاردىڭ وزدەرىنىڭ دە بۇل ىسكە قاتىسى بار دەپ بىلەمىن. مىنە - پوليسيا باسقارماسىنىڭ باستىعىنىڭ ورىنباسارى. ول ءدال بۇگىننەن باستاپ ىسكە كىرىسۋى كەرەك. ەگەر بۇگىن تۇندە، ەرتەڭ، ارعى كۇنى وسىلاي جالعاسا بەرەتىن بولسا - ماعان دەرەۋ جازىڭىزدار. مەن بارلىق جەردە تىركەلگەنمىن. ماعان جازىڭىزدار، ارى قاراي شەشەمىز"، - دەدى باقىتجان ساعىنتايەۆ.