ينديانىڭ كارناتكا شتاتىندا سيىر ءوزىن ۇرلاعان ۇرىنى ءولتىردى دەپ جازادى Qamshy.kz اقپارات اگەنتتىگى The Star باسىلىمىنا سىلتەمە جاساپ.
50 جاستاعى گوۆينداپپا ەسىمدى ءۇندى ازاماتى جەرگىلىكتى فەرمەردىڭ سيىرىن ۇرلاعان. ولجاسىنىڭ باس ءجىبىن ۇستاعان كۇيى جىلىستاپ ۇيدەن ۇزاي بەرگەندە ول كۇتپەگەن جاعداي ورىن الىپتى.
2 شاقىرىم جۇرگەننەن سوڭ سيىردى جۇك كولىگىنە تيەمەك بولعان. سول ساتتە سيىر ونىڭ جاندى جەرىنەن، ياعني، ەكى اياعىنىڭ ورتاسىنان وڭدىرماي تەپكەن. قاتتى تيگەن سوققىدان سيىردى قولدى ەتكەن ءۇندى ازاماتى سول مەزەتتە قايتىس بولادى.
كەلەسى كۇنى جەرگىلىكتى تۇرعىندار گوۆينداپپانىڭ دەنەسىن اۋىل شەتىنەن تاپقان. ال سيىر بولسا جايباراقات كۇيى ۇيىنە قايتا ورالعان.
پىكىر قالدىرۋ