شىعىس قازاقستان وبلىسىنىڭ كۇرشىم اۋدانىندا كوزى تىرىسىندە «تاماشانىڭ تارلانى» اتانعان تالانتتى ونەر يەسى ءۋايىس سۇلتانعازينگە ەسكەرتكىش تاقتا ورناتىلدى دەپ حابارلايدى Qamshy.kz اقپارات اگەنتتىگى.
بۇدان بەس جىل بۇرىن كۇرشىم اۋىلىنداعى پاۆلودار دەپ اتالعان كوشەگە جەرگىلىكتى تۇرعىنداردىڭ ۇسىنىس-تىلەگىمەن وسى وڭىردە تۋىپ-وسكەن، ەلىمىزگە تانىمال ءارتىس بولعان ءۋايىس ءسۇلتانعازيننىڭ ەسىمى بەرىلگەن ەدى. ەندى مىنە اراعا ءبىراز جىل سالىپ اجارى كىرىپ، اباتتانعان وسى كوشەنىڭ تورىنەن ءۋايىستىڭ بەينەسى كەسكىندەلگەن ادەمى تاقتا ورىن تاپتى.
– ءۋايىس كوشەسىندە تۇراتىن ج.نۇرىموۆ، م.بەكباۋوۆ، س.قيسانوۆ، ت.بايدولدين سىندى بەلسەندى ازاماتتاردىڭ بۇل يگىلىكتى ءىستى ىقىلاسپەن قولداپ، قولعابىس جاساۋىنىڭ ارقاسىندا ساۋاپتى شارانى جۇزەگە اسىردىق. بۇل ارينە بۇكىل ەلىمىز رۋحاني جاڭعىرىپ جاتقان تۇستا قازاق ونەرىنە زور ۇلەس قوسقان زامانداسىمىزدىڭ ەسىمىن جاس ۇرپاقتىڭ ساناسىنا ءسىڭىرىپ، ونەرىن ۇلگى ەتۋ ماقساتىنان تۋعان تالپىنىس، – دەيدى بەلگىلى ءارتىستىڭ سىنىپتاس-دوسى مۇحامەتبەك قۇناپيانوۆ.
پىكىر قالدىرۋ