شاكارىم اتىنداعى سەمەي مەملەكەتتىك ۋنيۆەرسيتەتىندە «نيەۆادا-سەمەي» انتيادرولىق قوزعالىسىنىڭ جەتەكشىسى، اقىن، قوعام قايراتكەرى ولجاس سۇلەيمەنوۆ اتىندا ورتالىق اشىلدى. «رۋحاني جاڭعىرۋ» اياسىندا قولعا الىنعان سالتاناتتى شاراعا ايگىلى اقىننىڭ ءوزى كەلىپ قاتىستى دەپ حابارلايدى Qamshy.kz اقپارات اگەنتتىگى.  

بۇل ورتالىقتا ستۋدەنتتەرگە اقىننىڭ شىعارماشىلىعىمەن، ءومىر جولىمەن، قايراتكەرلىك ىستەرىمەن جان-جاقتى تانىسۋعا مۇمكىندىك بەرەتىن ماتەريالدار جيناقتالعان. 

سەمەيگە كەلگەن ساپارىندا ولجاس اقىن تاريحى تەرەڭگە تامىر جايعان قارت شاھاردىڭ كوشەلەرىن ارالاپ، بەيبىتشىلىك ارالىندا جاستارعا ارنالعان «ادامعا تابىن، جەر ەندى» دەپ اتالعان تاربيە ساعاتىن وتكىزدى. 

– سىزدەردىڭ اكەلەرىڭىز بەن اتالارىڭىز، انالارىڭىز بەن اپالارىڭىز يادرولىق قارۋعا قارسى كۇرەسىپ، قانشاما جىل بويى حالىقتى ۋلاپ كەلگەن پوليگوندى توقتاتتى. بۇگىنگى جاس ۇرپاق، سىزدەر وسى تاريحتى ەستەن شىعارماي، قاسىرەتتى ولكەنىڭ قادىرىنە جەتە بىلۋلەرىڭىز كەرەك. تۋعان قالالارىڭىزدى سۇيىسپەنشىلىكپەن دامىتۋعا كۇش سالىڭىزدار. ويتكەنى بۇل قاسيەتتى وڭىردە اباي، شاكارىم، مۇحتار سياقتى ۇلى تۇلعالار دۇنيەگە كەلگەن، – دەدى سەمەيلىك جاستارمەن كەزدەسۋ بارىسىندا ولجاس سۇلەيمەنوۆ.