الماتىدا جول پوليسياسىنان قاشقان توي كولىكتەرى ەكى پوليسيا قىزمەتكەرىن قاعىپ كەتتى دەپ حابارلايدى Qamshy.kz اقپارات اگەنتتىگى قالالىق پوليسيا دەپارتامەنتىنە سىلتەمە جاساپ.
پوليسياداعىلاردىڭ ايتۋىنشا، كەشكە كەشكىسىن ءال-فارابي داڭعىلىندا اكىمشىلىك پوليسيا باسقارماسى مامانداندىرىلعان جول-كولىك پوليسياسى باتالونى قىزمەتكەرلەرى جول ەرەجەسىن ورەسكەل بۇزعان كولىكتەر كورتەجىنىڭ ىزىنە تۇسەدى.
“العاش رەت پوليسيا ولاردى جاروكوۆ كوشەسى بويىندا توقتاتۋعا تىرىسادى. ءبىراق ولار ونى ەلەمەي اعىزىپ وتە شىعادى. ودان سوڭ جول ەرەجەسىن بۇزۋشىلاردى ۇستاۋ ءۇشىن اتاكەنتكە شىعاتىن جول جابىلادى. الايدا بۇل شەكتەۋ دە ولاردى توقتاتا المادى. وسى ارادا "تويوتا كامري" كولىگى پوليسيا لەيتەنانتى ماقسات قيلىبايەۆتى قاعىپ وتە شىققان. قيلىبايەۆ كەرى شەگىنىپ ۇلەگەردى. وسى كورتەجگە تيەسىلى "Lada Priora" كولىگىن توقتاتپاق بولعان پوليسيا كاپيتانى جاندوس بۇعالوۆ تا زارداپ شەكتى. ونىڭ تىزەسىنە قاتتى زاقىم كەلگەن، ءبىراق ول اۋرۋحاناعا بارۋدان باس تارتقان. كاپيتاندى قاققانىمەن قويماي " Lada Priora" پوليسيانىڭ قىزمەتتىك كولىگىن دە يتەرە ءوتىپ كەتتى. ءبارىبىر ولار ونىڭ ىزىنە ءتۇسىپ، ساحارييەۆ كوشەسىندە توي كولىكتەرىنىڭ ۇشەۋىنىڭ دە جولىن جاپتى. كولىكتەردە "قىز ۇزاتۋ" تويىنان قايتىپ كەلە جاتقان تولا جاستار بولعان، ونىڭ ىشىندە قالىڭدىق تا بار”، - دەيدى الماتى پوليسيا دەپارتامەنتى اكىمشىلىك پوليسيا باسقارماسىنىڭ باستىعى جاندوس مۇراتالييەۆ.
پىكىر قالدىرۋ