تۇركىستان وبلىستىق پوليسيا قىزمەتكەرلەرى 9 كەلى ماريحۋانا ساقتادى دەگەن ايىپپەن مەكتەپ ءمۇعالىمىن ۇستادى دەپ حابارلايدىQamshy.kz اقپارات اگەنتتىگى وبلىستىق پوليسيا دەپارتامەنتىنە سىلتەمە جاساپ.

«كوكنار-2019» جەدەل-پروفيلاكتيكالىق ءىس-شاراسى بارىسىندا تۇركىستان وبلىسىنىڭ پوليسەيلەرى اسا ءىرى مولشەردە ەسىرتكى زاتىن ساقتاعان ازاماتتى ۇستادى.

بايدىبەك اپب-نە اۋداندىق مەكتەپتەردىڭ بىرىندە تاريح پانىنەن ساباق بەرەتىن جەرگىلىكتى تۇرعىننىڭ ءوز ۇيىندە ەسىرتكى زاتىن اسا ءىرى مولشەردە زاڭسىز ساقتاعانى تۋرالى حابارلاما كەلىپ تۇسكەن. حابارلاما بارىسىندا تەز ارادا تۇركىستان وبلىسى پد ەبقىقب، كپب، بايدىبەك ءاپب-نىڭ تاجىريبەلى پوليسەيلەرىنەن تەرگەۋ توبى قۇرىلىپ، جۇيەلى تۇردە ارنايى جەدەل ىزدەستىرۋ ءىس-شارالارىن جۇرگىزەدى. 

ناتيجەسىندە، پوليسەيلەر كۇدىكتى رەتىندە بايدىبەك اۋدانىنىڭ جەرگىلىكتى تۇرعىنى، مەكتەپتەردىڭ بىرىندە تاريح پانىنەن ساباق بەرەتىن ازاماتتى ۇستادى. ءۇيدى ءتىنتۋ بارىسىندا كۇدىككە ىلىنگەن ازاماتتىڭ ءتۇرعىن-ۇيىنىڭ الدىندا ورنالاسقان سارايدىڭ ىشىنەن 9 پاكەتكە سالىنعان ەسىرتكى زاتىنا ۇقساس سومكە تاركىلەنىپ الىندى. تاعايىندالعان ەسىرتكى قۇرالداردى، پسيحوتروپتىق زاتتاردى، انالوگتاردى جانە پرەكۋرسورلاردى سوت-ساراپتامانىڭ قورىتىندىسىنا سايكەس، پاكەتتەرمەن ۇسىنىلعان ەسىرتكى قۇرالى – كەپتىرىلگەن ماريحۋانا بولىپ شىقتى. كەپتىرىلگەن ماريحۋانانىڭ جالپى قاپتاۋسىز سالماعى – 9 كگ-نان استام. 

اتالعان جايت بويىنشا ق ر قك-نىڭ 296-بابى 4-بولىگى بويىنشا « ەسىرتكى، پسيحوتروپتىق زاتتارمەن، سول تەكتەستەرمەن، پرەكۋرسورلارمەن وتكىزۋ ماقساتىنسىز زاڭسىز جۇمىس ىستەۋ» تىركەلىپ، كۇدىكتى قاماۋعا الىندى. سوتقا دەيىنگى تەرگەۋ امالدارى جۇرگىزىلۋدە. 
قازىرگى تاڭدا، تۇركىستان وبلىسى پوليسەيلەرى كۇدىكتىنىڭ، اسا ءىرى مولشەردەگى ەسىرتكى زاتىن وزىندە قانداي ماقساتپەن ساقتاعانىن انىقتاۋدا.