ارىس قالاسىنداعى وق-دارىلەر قويماسىنداعى جارىلىسقا بايلانىستى وقيعا ورنىن تەكسەرۋ جانە كەلتىرىلگەن زالالدار انىقتالۋدا، دەپ حابارلايدى Qamshy.kz اقپارات اگەنتتىگى.
“تەرگەۋدىڭ باستاپقى ساتىسىندا نەگىزگى نازار ورىن العان جاعدايدىڭ ءمان-جايلارىن انىقتاۋعا، سونىڭ ىشىندە ادامداردىڭ قازا تابۋىنا اۋدارىلدى”، - دەدى ق ر باس اسكەري پروكۋرورىنىڭ اعا كومەكشىسى ەركىن قوجا-احمەت ورتالىق كوممۋنيكاسيالار قىزمەتىندە وتكەن بريفينگتە.
ايتۋىنشا، قازىرگى كەزدە 100-دەن اسا ادامنان جاۋاپ الىنعان.
“قازىرگى ۋاقىتتا بولجامدى نۇسقالار بار، ولاردىڭ اراسىندا ءورت قاۋىپسىزدىگىن ساقتاماۋ، لاۋازىمدى تۇلعالاردىڭ سالعىرتتىعى جانە تاعى باسقالارى قارالىپ جاتىر”، - دەپ اتاپ ءوتتى.
سونداي-اق، وق-دارىلەر ساقتالاتىن قويمالاردىڭ قاۋىپسىزدىگىن قامتاماسىز ەتۋگە بولىنگەن بيۋدجەت قاراجاتىن پايدالانۋدىڭ ۇتىمدىلىعى مەن جارىلعىش زاتتاردىڭ دۇرىس جينالۋى تەكسەرىلىپ، قويمالاردا انىقتالعان بۇزۋشىلىقتار ۋاقتىلى جويىلدى ما، جويىلماعان جاعدايدا كەيبىر اسكەري قىزمەتشىلەردىڭ ارەكەتسىزدىگى سۇراعى قارالاتىنىن ايتتى.
“تەرگەۋ ناتيجەسىندە جاۋاپتى تۇلعالاردىڭ ىس-ارەكەتتەرىنە قۇقىقتىق باعا بەرىلەتىن بولادى. سارالاۋ، بولجامدى نۇسقالار الدىن الا بولىپ تابىلادى جانە ولار ەگجەي-تەگجەيلى قارالاتىنىن اتاپ وتەمىن. تەرگەپ-تەكسەرۋدىڭ بارىسى باس پروكۋروردىڭ باقىلاۋىندا”،- دەدى باس اسكەري پروكۋرورىنىڭ اعا كومەكشىسى.
پىكىر قالدىرۋ