شىمكەنت اكىمى عابيدوللا ءابدىراحىموۆ شىمكەنت قالاسىن قالاي ارالايتىنى تۋرالى ايتىپ، ەل اراسىندا تاراعان قاۋەسەتتى جوققا شىعاردى دەپ حابارلايدى Qamshy.kz اقپارات اگەنتتىگى Sputnik سايتىنا سىلتەمە جاساپ.
"نەگىزىندە قالانى ءجيى ارالايمىن. مەنى تانىماۋى ءۇشىن نە ىستەيمىن ەندى؟ پارانجا كيىپ جۇرەيىن بە؟ قالاداعى شىن مانىسىندە جاعدايى قيىن اۋدانداردى ارالاعاندا، مەنى تانىپ-تانىماۋى ماڭىزدى ەمەس. كەرىسىنشە، قالا باسشىسىنىڭ كەلگەنىن ءبىلۋى ءتيىس: جول، كاناليزاسيا، تروتۋار پروبلەماسىمەن تانىسقانىن كورگەنى ءجون. مەكسيكالىق ارىپتەسىمىزدىڭ تاجىريبەسى بۇرىننان بار ەمەس پە؟! باياعى زاماندا سۇلتاندار دا جۇپىنى كيىنىپ، قالانى ارالايتىن بولعان"، - دەپ جاۋاپ بەردى ءابدىراحىموۆ كيىمىنە قاتىستى سۇراققا.
بۇدان بۇرىن باق-تا جازىلعانداي، مەكسيكالىق قالا باسشىسى قاراپايىم كيىنىپ، قول استىنداعى قىزمەتكەرلەردىڭ ۇيسىز-كۇيسىز ادامدارعا قالاي قارايتىنىن ءبىلىپتى. وسى ورايدا شىمكەنت اكىمى كۇندە بولماسا دا، ۆەلوسيپەدپەن ءجۇرىپ تۇراتىنىن اتاپ ءوتتى.
پىكىر قالدىرۋ