الماتىنىڭ مامىر-1 ىقشام اۋدانىنداعى ءبىر كوشەگە ۇلى باشقۇرت اقىنى ءارى جازۋشىسى مۇستاي كارىمنىڭ ەسىمى بەرىلدى دەپ حابارلايدى Qamshy.kz اقپارات اگەنتتىگى.
ول تۋرالى قالا اكىمى باقىتجان ساعىنتايەۆ ءوزىنىڭ ينستاگرامم پاراقشاسىندا حابارلادى.
"بۇگىن الماتى ءۇشىن ءوڭىردىڭ ساياسي استاناسى رەتىندە ماڭىزدى كۇن. الماتىنىڭ مامىر-1 ىقشام اۋدانىنداعى ءبىر كوشەگە ۇلى باشقۇرت اقىنى ءارى جازۋشىسى مۇستاي كارىمنىڭ ەسىمى بەرىلدى. ءبىزدىڭ بەلگىلى اقىن — جازۋشىلارىمىزدىڭ جانە باشقۇرتستاننان كەلەتىن قوناقتاردىڭ قاتىسۋىمەن مۇستاي كارىمنىڭ 100 جىلدىعىنا ارنالعان ارنايى كونفەرەنسيا وتەدى. وسىناۋ مادەني وقيعانى وتكىزۋگە اتسالىسقان قازاقستاننىڭ رەسەيدەگى ەلشىسى ي. تاسماعامبەتوۆكە، بارلىق ۇيىمداستىرۋشىلار مەن قاتىسۋشىلارعا ريزاشىلىعىمدى بىلدىرەمىن. ءبىز بارلىعىمىز بىرگە قازاقستان مەن رەسەي، باشقۇرتستان مەن الماتى، ءبىزدىڭ باۋىرلاس حالىقتارىمىز اراسىنداعى مادەني جانە گۋمانيتارلىق بايلانىستاردى دامىتۋدىڭ جاڭا مۇمكىندىكتەرىن قالايتىن بولامىز"، - دەپ جازدى باقىتجان ساعىنتايەۆ.
پىكىر قالدىرۋ