بۇگىن سوت زالىنان بوساتىلعان بۇرىنعى ءبىلىم جانە عىلىم ۆيسە-مينيسترى ەلميرا سۋحانبەردييەۆا قاماۋدا وتىرعان كەزدە كىتاپ جازعانىن ايتتى دەپ حابارلايدى Qamshy.kz اقپارات اگەنتتىگى Sputnik قازاقستان سايتىنا سىلتەمە جاساپ.
"تۇرمەدە وتىرعان 34 كۇن بويى مەن كىتاپ جازدىم. ونىڭ اتى - "تۇرمە ۆيسە-مينيستردىڭ كوزىمەن". جاقىن ارادا جارىققا شىعادى. بۇل وتە قىزىقتى كىتاپ بولادى. ول مەن تۋرالى اۆتوبيوگرافيا ەمەس، سان الۋان ادامداردىڭ پىكىرى ەنگىزىلەدى. مەن ونى اياقتاۋعا جاقىنمىن. ادەبي تۇزەتۋلەر عانا قالدى"، - دەدى سۋحانبەردييەۆا.
ونىڭ ايتۋىنشا، بۇل كىتاپتى شەتەلدىكتەر سۇراپ وتىر. ءبىراق ۆيسە-مينيستر ونى الدىمەن قازاقستاندا تاراتامىن دەيدى.
"ءقازىر ماعان باسپا ورتالىقتارى حابارلاسىپ جاتىر. ولار كىتاپتى باسىپ بەرۋگە نيەتتى. مەن ارنايى باسپا ءسوز ءماسليحاتىن وتكىزىپ، جۋرناليستەرگە دە تاراتامىن"، - دەدى سۋحانبەردييەۆا.
پىكىر قالدىرۋ