قازاقستاننىڭ قورعانىس ءمينيسترى نۇرلان ەرمەكبايەۆ ارىستاعى جاعدايدى بايانداي وتىرىپ، جاۋاپكەرشىلىكتەن قاشپايتىنىن مالىمدەدى دەپ حابارلايدى Qamshy.kz اقپارات اگەنتتىگى.
سونىمەن قاتار، ەرمەكبايەۆ كىنالىلەر زاڭ الدىندا مىندەتتى تۇردە جاۋاپ بەرەتىنىن اتاپ ءوتتى.
"مەن، رەسپۋبليكانىڭ قورعانىس ۆەدومستۆاسىنىڭ باسشىسى رەتىندە، مەملەكەتتىك قىزمەتتىڭ زاڭدارىنا سايكەس، وسى قىزمەتكە تاعايىندالعان العاشقى كۇننەن باستاپ، ياعني 2018 جىلدىڭ 7 تامىزىنان بەرى قارۋلى كۇشتەردە بولىپ جاتقان بارلىق وقيعالارعا تىكەلەي جاۋاپتىمىن. مەن بۇل جاۋاپكەرشىلىكتى وزىمنەن الىپ تاستامايمىن جانە جاۋاپكەرشىلىكتەن قاشقان ەمەسپىن، قاشۋ ويىمدا دا بولعان جوق"، - دەدى مينيستر ارىستاعى جاعدايعا بايلانىستى وتكەن باسپا ءسوز كونفەرەنسياسىندا.
سونىمەن قاتار ءمينيستردىڭ ايتۋىنشا، جاۋاپكەرشىلىك پەن كىنانى شاتاستىرۋعا بولمايدى.
پىكىر قالدىرۋ