قازاقستان رەسپۋبليكاسىنىڭ ومبى قالاسىنداعى كونسۋلى رەسەيلىك جۋرناليستەرمەن كەزدەسىپ، كەزەك ماسەلەسى تۋرالى پىكىر بىلدىرۋدەن باس تارتتى دەپ جازادى Qamshy.kz اقپارات اگەنتتىگى. رەسەيلىك ب ا ق وكىلدەرى قازاقستان ەلشىلىگىنىڭ قابىلداۋىنا كىرۋ ءۇشىن قازاقستاندىقتاردىڭ بىرنەشە كۇن كەزەكتە تۇرعانىن جارىسا جازعان.
رەسەيلىك باق-تىڭ دەرەگىنە سۇيەنسەك، قازاقستاندىقتار ەلشىلىكتەن قۇجات الا الماي وتىر. التاي، كەمەروۆسك، چەليابينسك جانە تۇمەن وڭىرلەرىندە قازاقستاندىقتار بىرنەشە كۇن بويى كەزەكتە تۇر.
وسى ماسەلەنىڭ سەبەبىن انىقتاۋ ءۇشىن جۋرناليستەر ومبىداعى قازاقستاننىڭ كونسۋلى قونىسبەك جۇسىپبەكوۆكە حابارلاسقان. الايدا شەنەۋنىك جۋرناليستەرگە ۇرسىپ بەرىپتى.
"سىزدەرگە نە كەرەك، مەن تۇسىنبەدىم؟ سىزدەردىڭ رەسەيدە باسقا ماسەلەلەر جوق پا؟ نەگە باسقا ەلدىڭ ىسىنە ارالاساسىزدار؟ مەن رەسەيدىڭ ەمەس، قازاقستاننىڭ كونسۋلىمىن"، - دەگەن قونىسبەك جۇسىپبەكوۆ.
پىكىر قالدىرۋ