«ارىستان پاتشا» ءفيلمى ەندى قازاق تىلىندە سويلەيدى دەپ حابارلايدى Qamshy.kz اقپارات اگەنتتىگى. بۇل تۋرالى جاستار تەاترى جازدى.

"«Disney» كومپانياسىنىڭ كلاسسيكاعا اينالعان ايگىلى «ارىستان پاتشا» انيماسيالىق ءفيلمىنىڭ كينو نۇسقاسى جاقىن كۇندەرى كورەرمەنگە جول تارتپاق. بۇل تۋىندى افريكالىق ساۆاننانى مەكەن ەتكەن اڭ-قۇستاردىڭ تىنىسى، ولاردىڭ مەيىرىمى مەن ماحابباتى، ساتقىندىعى مەن بيلىككە تالاسى سىندى ادامزاتتا كەزدەسەر جاعدايلاردى باياندايدى.

مۋفاسا ارىستاننىڭ پاتشالىعىندا سيمبا اتتى ءىزباسارى، بولاشاق تاق يەگەرى دۇنيەگە كەلەدى. الايدا، اعايىننىڭ اراسىنداعى الاۋىزدىقتىڭ سالدارىنان كىشكەنتاي سيمبا تۋعان جەرىنەن قۋىلىپ، دالا كەزەدى. قاڭعىباس ارىستاننىڭ تۇبىندە بارار جەرى انىق ەدى. سەبەبى، ونىڭ بويىندا پاتشانىڭ قانى بار.

«جاستار تەاترىنىڭ» ءبىرقاتار اكتەرلارى فيلم كەيىپكەرلەرىن دىبىستادى. ولاردىڭ قاتارىندا بەكبولات قۇرمانعوجايەۆ (مۋفاسا)، داۋرەن سەرعازين (تيمون)، ءادىل احمەتوۆ (كاماري) جانە ناۋرىز ساباعاتوۆا (نالا) بار.
.
الەمدىك تۋىندىنى قازاق تىلىندە دىبىستاۋ – ۇلكەن جەتىستىك. اكتەرلارىمىزدى العان تاعى ءبىر بەلەستەرىمەن قۇتتىقتايمىز!
.
18 شىلدەدەن باستاپ ەلىمىزدىڭ بارلىق كينوتەاترلارىنان "ارىستان پاتشانى" قازاق تىلىندە كورىڭىز" دەلىنگەن جازبادا.