ماڭعىستاۋ وبلىسىنىڭ دارىگەرلەرى ءار ءتۇرلى ۋاقىتتا قۇدىققا قۇلاپ كەتكەن ەكى بالانى امان الىپ قالدى دەپ حابارلايدى Qamshy.kz اقپارات اگەنتتىگى Tengrinews.kz سايتىنا سىلتەمە جاساي وتىرىپ.
2019 جىلى 3 شىلدەدە ءبىر جاسار بالا وبلىستىق بالالار اۋرۋحاناسىنا اۋىر حالدە جەتكىزىلدى.
2018 جىلى دۇنيەگە كەلگەن بالا قۇدىقتاعى سۋعا تۇنشىعىپ قالعان. اتا-اناسىنىڭ ايتۋىنشا، بالا تەلمان اۋىلىنداعى ۇيلەرىنىڭ اۋلاسىنداعى قۇدىققا قۇلاپ كەتكەن.
ءدال وسىنداي جاعداي 2019 جىلى 30 ماۋسىمدا تىركەلگەن. مۇنايلى اۋدانىندىق بالالار اۋرۋحاناسىنا اسا اۋىر حالدە 2016 جىلعى بالا جەتكىزىلگەن.
دارىگەرلەر بالانى دەرەۋ جانساقتاۋ بولىمىنە جاتقىزعان. بالا ءبىر تاۋلىكتەن اسا كومادا بولعان. قۋانىشقا وراي رەانيماتولوگتار بالانى كومادان الىپ شىققان. قازىرگى ۋاقىتتا نارەستەنىڭ جاعدايى جاقسى. اتا-اناسىنىڭ ايتۋىنشا، ونى قۇدىقتان الىپ شىققان. الايدا ونىڭ وندا قانشا جاتقانى بەلگىسىز.
پىكىر قالدىرۋ