ءبىلىم جانە عىلىم ءمينيسترى اسحات ايماعامبەتوۆ قازاقستان پرەزيدەنتى قاسىم-جومارت توقايەۆتان ەستافەتانى قابىلداپ، ۇلى ابايدىڭ ولەڭىن وقىپ، ۆيدەو جاريالادى دەپ حابارلايدى Qamshy.kz اقپارات اگەنتتىگى
بۇل تۋرالى مينيستر فەيسبۋكتەگى پاراقشاسىندا جازدى. ءبىلىم جانە عىلىم ءمينيسترى ابايدىڭ "سەنبە جۇرتقا، تۇرسا دا قانشا ماقتاپ" اتتى ولەڭىن تاڭداعان.
"اباي قۇنانباي ۇلىنىڭ 175 جىلدىعىنا وراي ۇلى اقىننىڭ ولەڭدەرىنەن ءۇزىندى وقۋ ەستافەتاسىن قازاقستان رەسپۋبليكاسىنىڭ پرەزيدەنتى قاسىم-جومارت كەمەل ۇلى توقايەۆتان زور قۇرمەتپەن قابىلداپ، كەزەكتى ەستافەتانى ەلىمىزدىڭ ءبىلىم جانە عىلىم سالاسىنىڭ قىزمەتكەرلەرىنە، ۇستازدارعا، جوعارى وقۋ ورىندارىنىڭ رەكتورلارىنا جانە ستۋدەنتتەر مەن وقۋشىلارعا جولدايمىن"، - دەدى ءبىلىم ءمينيسترى.
ەسكە سالساق، 9 جاستاعى وقۋشى ءلايلىم-شىراق اباي ولەڭدەرىنەن ءۇزىندى وقىپ، ەستافەتانى جالعاستىرۋدى پرەزيدەنت قاسىم-جومارت توقايەۆقا جولداعان ەدى.
مەملەكەت باسشىسى ەستافەتانى قابىلداپ، اباي اتانىڭ "عىلىم تاپپاي ماقتانبا" ولەڭىنەن ءۇزىندى وقىپ، ءبۇلدىرشىننىڭ ەستافەتاسىن قولدايتىنىن بىلدىرگەن بولاتىن.
توقايەۆ اباي ولەڭدەرىن وقۋ ەستافەتاسىن ودان ءارى ءبىلىم جانە عىلىم ءمينيسترى اسحات ايماعامبەتوۆكە، مادەنيەت جانە سپورت ءمينيسترى اقتوتى رايىمقۇلوۆاعا جانە ءانشى ديماش قۇدايبەرگەنگە جولداعان ەدى.
پىكىر قالدىرۋ