جامبىل وبلىسىنىڭ شۋ اۋدانىندا قورداي اۋداندىق پوليسيا ءبولىمى پوليسيا قىزمەتى مايورىنىڭ ورتەنىپ كەتكەن دەنەسى تابىلدى دەپ حابارلايدى Qamshy.kz اقپارات اگەنتتىگى.
مايوردىڭ جۇرەك تۇسىنا پىشاق سالىنعان. بۇل قىلمىس تۋرالى اقپاراتتى ەكسپرەسس-ك گازەتى انىقتادى. باسىلىم مالىمەتى بويىنشا، بەيتانىس ايەل تەلەفونمەن جايسان اۋىلىنىڭ (شۋ قالاسىنان 15 شاقىرىم جەردە) ماڭىندا ادام دەنەسىن كورگەنىن ايتقان. ارتىنشا كورسەتىلگەن جەرگە جەدەل توپ قىزمەتكەرلەرى كەلىپ، ارىپتەسىنىڭ ورتەنىپ كەتكەن دەنەسىن كورگەن. بۇل قورداي اۋداندىق پوليسيا ءبولىمىنىڭ ۇيىمداستىرۋشىلىق-ساراپتامالىق جۇمىس توبىنىڭ ينسپەكتورى، پوليسيا قىزمەتىنىڭ مايورى 30 جاستاعى باعدات مامىلەيەۆ بولىپ شىقتى.
ول ەكى بالانىڭ اكەسى. دەنەنىڭ قاسىندا ونىڭ قۇجاتتارى بولعان: جەكە كۋالىك جانە قىزمەتتىك كۋالىك ۇيالى تەلەفونمەن بىرگە پاكەتتىڭ ىشىندە جاتقان، وندا ازعانتاي اقشا، دجينس، ەكى جەيدە جانە باسقا دا كيىمدەر بولعان. جولعا ارنالعان پاكەت دەنەدەن 10 مەتر جەردە جاتقان.
پوليسەيدى انىقتاۋعا ەرەكشە بەلگىسى دە كومەكتەسكەن - ول ءۇش جىل بۇرىن جول اپاتىنا ءتۇسىپ، جاراقات العان ەكەن، دەنەدە سول جارانىڭ ءىزى بار. ونى ولتىرۋگە ۇرلىق سەبەپ بولماعان، سەبەبى قىلمىسكەر تەلەفون مەن اقشاعا تيىسپەگەن.
جامبىل پوليسياسىنىڭ باسشىلىعى پىكىر بىلدىرۋدەن باس تارتىپ وتىر، ءبىراق ءولىمنىڭ سەبەبى انىقتالۋ ۇستىندە.
پىكىر قالدىرۋ