ەلباسى «100 ناقتى قادام ۇلت جوسپارىندا» مەملەكەتتىك قىزمەت پەن مەملەكەتتىك قىزمەتكەردىڭ الداعى ۋاقىتتا مارتەبەسى جوعارىلاي تۇسەتىنىن اتاپ كورسەتكەن. ول ءۇشىن نە ىستەۋ كەرەك؟ 100 قادامدا اتاپ كورسەتىلگەن ەلباسى تاپسىرماسى ورىندالۋى قاجەت. ارينە، جوعارى وقۋ ورنىن بىتىرگەن كەز كەلگەن مامان مەملەكەتتىك قىزمەتكە بارا المايدى. ول – مارتەبەلى ورىن. ءبىراق بىلىكتى مامان قاشان دا تاسادا قالماۋى كەرەك. ءقازىر مەملەكەتتىك كادر دايىنداۋدىڭ ا جانە ب كورپۋسى بار. دەمەك، بۇل – دۇرىس تالاپ. قىزمەتكە بارعىسى كەلەتىندەر ارنايى تەستتەن وتەدى. دەمەك، ولار مەملەكەتتىك قىزمەتكە اسا دايىندىقپەن دايىندالىپ بارادى. ناقتى ايتقاندا، 100 ناقتى قادامدا مەملەكەتتىك قىزمەت ماسەلەسى اشىق كورسەتىلگەن. ونىڭ ماڭىزى دا زور. ويتكەنى قىزمەت كەز كەلگەن ادامعا ۇلكەن جاۋاپكەرشىلىك جۇكتەيدى. مىسالى، ەلباسىنىڭ 100 ناقتى قادام ستراتەگيالىق باعدارلاماسى جاريالانعاننان كەيىن اتقارۋشى بيلىكتە جاقسى ءۇردىس پايدا بولدى. ءقازىر سوناۋ 1990 جىلداردىڭ ورتاسىنداعىداي ەمەس، تالاپ – قاتال. بيلىكتىڭ تومەنگى ساتىسىندا جۇمىس ىستەمەي ءقازىر ەشكىم بىردەن جوعارى كرەسلوعا بارا المايدى. سونداي-اق قازىرگى قازاقستان بيلىگىندە داعدىعا اينالعان تاعى ءبىر دۇرىس ءادىستى نەمەسە تاجىريبەنى  ايتا كەتكەن ءجون. ول – پرەزيدەنت اكىمشىلىگىندە نەمەسە اپپاراتىندا قىزمەت ىستەگەن ازاماتتاردى ايماققا جىبەرۋ ءادىسى. ءقازىر پرەزيدەنت اكىمشىلىگىندە جۇمىس ىستەپ، ءوز كاسىبي دەڭگەيىن ايماقتا جالعاستىرىپ جاتقان اتقامىنەر ازاماتتار وتە كوپ. اكىم نەمەسە اكىمنىڭ ورىنباسارى دەپارتامەنتتىڭ باسشىسى بولىپ جۇرگەندەر قانشاما؟ مۇنىڭ بارلىعى ەلباسىنىڭ 100 ناقتى قادامىنىڭ ناتيجەسى. جالپى مەملەكەتتىك قىزمەتكەردىڭ كابينەتتە بايلانىپ وتىرا بەرۋى توقىراۋعا اكەلەدى نەمەسە ەشقانداي ناتيجە بەرمەيدى. قۇلاعىنان تەلەفونى تۇسپەي، تاپسىرما بەرىپ وتىرۋ دا جاڭاشىلدىق ەمەس. سوندىقتان مەملەكەتتىك قىزمەتكەر ماسەلەنى شەشۋ ءۇشىن حالىقتىڭ ورتاسىندا جانە پروبلەمالاردىڭ اراسىندا ءجۇرۋى قاجەت. تاعى ءبىر نارسە، مەملەكەتتىك بيلىكتە وتىرعانداردىڭ جالاقىسى ونىڭ كابينەتتە ساعاتتاپ وتىرعانىمەن ەمەس، ناتيجەلى جۇمىس ىستەۋىمەن باعالانۋى ءتيىس. 100 ناقتى قادامدا «مەملەكەتتىك قىز­مەت­كەرلەردىڭ جالاقى­سىن قىزمەتىنىڭ ءناتي­جەسىنە بايلانىستى ءوسىرۋ» دەگەن بار. بۇل وتە قاجەتتى نارسە. جۇمىسىنىڭ ناتيجەسىنە بايلانىستى جالاقىسى جاقسى تولەنگەن شەنەۋنىكتىڭ جۇمىس ىستەۋگە دەگەن مۇمكىندىگى ارتادى جانە قابىلەتى ويانادى. ويتكەنى بۇل ۇلت جوسپارى ەكەندىگى اقيقات.

دەمەك بۇدان شىعاتىن قورىتىندى نە؟ مەملەكەتتىك قىزمەتكە بارعىسى  كەلەتىن ادام نەمەسە جاس مامان ەڭ الدىمەن ارنايى تەستتەن بولەك ەلباسىنىڭ وسى 100 ناقتى قادام ۇلت جوسپارى باعدارلاماسىن وقىپ السا، ارتىقتىق ەتپەيدى.

ايتا كەتەتىن ءبىر نارسە، جاس ماماندى مەملەكەتتىك قىزمەتكە الار كەزدە ولار ىرىكتەۋ كەزەڭىنەن وتەدى. بۇل – وتە دۇرىس تاجىريبە جانە اتالعان ستراتەگيالىق قۇجاتتىڭ ءۇشىنشى قادامىندا اتاپ كورسەتىلگەن. ال ءتورتىنشى قادامدا مەملەكەتتىك قىزمەتكە نيەت ەتكەندەر ءۇشىن ءۇش ساتىلى ىرىكتەۋ جۇيەسى بار. بىرىنشىسىندە ارنايى  تەستتەن وتسە، ەكىنشى سىناق مەرزىمىندە ادامنىڭ جەكە قاسيەتتەرى باعالانادى، ال ءۇشىنشى سىناق ۋاقىتى اڭگىمەلەسۋدەن تۇرادى. سوڭعى ىرىكتەۋدەن وتكەن سوڭ جاس ماماندارعا تالىمگەرلەر بەكىتىلىپ،  ولارعا ءۇش نەمەسە التى اي ۋاقىت بەرىلەدى.

ارينە، بۇل ەڭ الدىمەن سىبايلاس جەمقورلىق پەن تامىر-تانىستىقتىڭ الدىن الۋعا ۇلكەن سەپتىگىن تيگىزەدى. بۇل–زامان تالابى. مۇنى مەملەكەتتىك قىزمەتكە بارعىسى كەلگەن كەز كەلگەن ادام ءبىلۋى ءتيىس. وركەنيەت دامىعان سايىن مەملەكەتتىك قىزمەتكە دەگەن جاۋاپكەرشىلىك ارتا تۇسەدى.

نەگىزى وتانشىل، مەملەكەتشىل جانە بويىندا پاتريوتتىق سەزىمى جوعارى دامىعان ازامات قانداي دا ءبىر تارتىپسىزدىككە بارمايدى. جەمقورلىقپەن شىرمالمايدى. سوندا عانا مەملەكەتتىڭ ىرگەسى بەكيدى. قوعام العا جىلجيدى.

قورىتا ايتقاندا، 100 ناقتى قادام كاسىبي مەملەكەتتىك اپپارات قۇرۋدا جاستار ءۇشىن ۇلكەن مەكتەپ، تاعلىمدى تاجىريبە ەكەنىن ايتا كەتكەن ءجون. سوندىقتان «مەملەكەتتىك قىزمەتكەر بولامىن» دەگەن ازامات ايتىلىپ وتىرعان تالاپتاردى ەڭسەرۋى ءتيىس. تالاپ ۇدەسىنەن شىققان ازاماتقا 100 قادامنىڭ التىنشى جانە جەتىنشى قادامىندا ايتىلعانداي، ەڭبەكاقى  جۇمىسىنىڭ  ناتيجەسىنە قاراي تولەنەدى. بۇل ءوز كەزەگىندە مەملەكەتتىك قىزمەتكەردىڭ جۇمىس ىستەۋگە دەگەن قۇلشىنىسىن ارتتىرادى. دەمەك مۇنىڭ بارلىعى مەملەكەتتىك قىزمەتتەگى كاسىبي اپپارات قىزمەتكەرلەرىنىڭ ساپالى جۇمىس ىستەۋىن  قامتاماسىز ەتەدى. قىسقاشا ايتقاندا ەلباسىنىڭ بۇل باعدارلاماسى ەلدىڭ گۇلدەنىپ، دامىعان 30 مەملەكەتتىڭ قاتارىنا ەرتەرەك ەنۋىنە جاسالعان ستراتەگيالىق قادام دەپ بىلەمىز.