باعدارلامادا ءار باپقا ناقتى تۇسىنىكتەمە بەرىلگەن. اقيقاتى، زاڭنىڭ الدىندا ءبارىمىز دە بىردەيمىز. سوندىقتان دا زاڭنىڭ مارتەبەسى بيىك تۇرۋى كەرەك. وكىنىشكە قاراي، كوپ جاعدايدا زاڭدى بۇزاتىن ادامدار قوعامدا ءجيى كەزدەسەدى. كەيدە سوت شەشىمى ورىندالماي جاتادى. مۇنداي جاعدايدا نە ىستەۋ كەرەك؟
ارينە، بۇل كەزدە سوت ورىنداۋشىلارى كەمەككە كەلەتىنى ءسوزسىز. ەلباسى تاپسىرماسىمەن جاسالعان. 100 ناقتى قادامنىڭ ۇلت جوسپارىندا جەكە مەنشىك سوت ورىنداۋشىلارى ينستيتۋتىن دامىتۋعا ەرەكشە كوڭىل بولىنگەن. بۇل 100 ناقتى قادامنىڭ 27 قادامىندا اتاپ كورسەتىلگەن.
بۇرىن بۇل قىزمەتتى مەملەكەتتىك سوت ورىنداۋشىلارى اتقارىپ كەلدى. دەسەك تە، جالپى جەكە مەنشىك سوت ورىنداۋشىلارى ينستيتۋتى قازاقستانعا نە بەرەدى؟
- ءاربىر سوت ورىنداۋشىسىنىڭ جاۋاپكەرشىلىگى كۇشەيەدى.
- ولار سوت شەشىمىن ورىنداتۋعا جان-تانىمەن كىرىسىپ، جۇمىس ىستەيدى.
- جەكە سوت ورىنداۋشىلاردىڭ اراسىندا باسەكەلەستىك ارتادى.
- حالىقتىڭ جەكە سوت ورىنداۋسشىلارعا دەگەن سەنىمى كۇشەيەدى.
- بەلسەندى جۇمىس ىستەيتىن سوت ورىنداۋشىسىن حالىقتىڭ ءوزى تاڭداي الادى.
- جۇمىستىڭ ساپاسى ارتادى.
جالپى الەمدىك تاجىريبەگە نازار اۋداراتىن بولساق، جەكە سوت ورىنداۋشىلارى تۇڭعىش رەت فرانسيادا جۇزەگە استى. سونىمەن قاتار بالتىق جاعالاۋى ەلدەرى مەن بولگاريادا دا بۇل جۇيەلى تۇردە جۇمىس ىستەيدى. تمد مەملەكەتتەرىنىڭ اراسىندا جەكە سوت ورىنداۋشىلار ينستيتۋتىن العاشقىلاردىڭ ءبىرى بولىپ قازاقستان ەنگىزدى. ەندى مۇنىڭ وراسان زور پايداسى بار. جەكە سوت ورىنداۋشىلاردىڭ مىندەتى اليمەنتتەن باستاپ، جاردەماقى، ەڭبەكاقى، زەينەتاقىعا دەيىن ءوندىرىپ الۋ بولىپ تابىلادى. سوندىقتان سوت اكتىلەرىن دەر كەزىندە ءارى جەدەل ورىندا سوت جۇيەسىنە دەگەن سەنىمدى كۇشەيتەدى. بۇل ءبىر جاعىنان سوت قىزمەتىن زامان تالابىنا ساي جەىتلدىرۋ ەكەنى ءسوزسىز.
ماماندار اتاپ وتكەندەي، جەكە سوت ورىنداۋشىلارىنىڭ كۇن وتكەن سايىن حالىققا پايداسى ءتيىپ جاتقانىن اتاپ وتۋگە بولادى. بىرىنشىدەن، ۇزاق جىلداردان بەرى شەشەمىن تاپپاي جاتقان قۇجاتتاردا قوزعالىس باستالدى. ولاردىڭ ورىندالۋ مەرزىمى قىسقاردى. ەكىنشىدەن، بۇل جايت ەلىمىزدە تاۋەلسىز ءارى كۇشتى سوت بيلىگىنىڭ جۇمىس ىستەۋىنە سەپتىگىن تيگىزۋدە. بۇدان شىعاتىن قورىتىندى نە؟ ەلىمىزدە جەكە سوت ورىنداۋشىلاردىڭ قوعام دامۋىنداعى ۇلەسى بارعان سايىن ارتتى. حالىق جەكە سوت ورىنداۋشىلارى ينستيتۋتىنىڭ قاجەت ەكەنىن ءتۇسىندى. سوندىقتان تۇرعىنداار سوت شەشىمىنەن كەيىن ءوزىنىڭ پايداسىن ءوندىرىپ الۋ ءۇشىن مەملەكەتتىك سوت ورىنداۋشىسىنان گورى جەكە سوت ورىنداۋشىلارعا كوبىرەك قىزىعۋشىلىق تانىتا باستادى. ونىڭ ۇستىنە قازىرگى ۋاقىتتا ەلدەگى حالىقتىڭ دا قۇقىقتىق ساۋاتتىلىعى ارتقانىن جاسىرۋعا بولمايدى. دەمەك، بۇل قازاقستان بيلىگىنىڭ العا قاراي باسىپ وتىرعان وتىرعان دۇرىس قادامى.
جەكە سوت ورىنداۋشىلارىنىڭ سوت اكتىسىن جەدەل اتقارىلۋىنا ىقپال ەتىپ وتىرعان تاعى ءبىر جايت بار. جەكە سوت ورىنداۋشىلارى سوت اكتىسىنىڭ تەز ورىندالۋىنا مەتەريالدىق تۇرعىدان دا وزدەرى دە مۇددەلى ەكەنىن ايتۋىمىز كەرەك..
بۇگىنگى كۇنى جەكە سوت ورىنداۋشىلارى جۇيەسى الەمنىڭ 65 ەلىندە جۇمىس ىستەپ كەلەدى. قازاقستانداعى سوت جۇيەسىندە جۇرگىزىلىپ جاتقان رەفورمانىڭ جەمىسى ءقازىردىڭ وزىندە كورىنە باستادى دەپ ايتۋعا بولادى. وسىعان قاتىستى ارنايى زاڭدار دا قابىلداندى. جەكە سوت ورىنداۋشىلاردىڭ وكىلەتتىلىگى كەڭەيدى. بۇل ارينە، 100 ناقتى قادام ۇلت جوسپارىنىڭ ناتيجەسى دەر ەدىم.
پىكىر قالدىرۋ