ۋكراينا پرەزيدەنتى ۆلاديمير زەلەنسكيي جيىنننان قۋىپ شىققان بوريسپول قالالىق كەڭەسىنىڭ حاتشىسى ياروسلاۆ گودۋنوك بولعان جايتقا قاتىستى تۇسىنىكتەمە بەردى دەپ حابارلايدى Qamshy.kz اقپارات اگەنتتىگى ريا نوۆوستي سايتىنا سىلتەمە جاساپ.
ياروسلاۆ گودۋنوك مەملەكەت باسشىسىن "ناقۇرىسقا" تەڭەدى. ونىڭ ايتۋىنشا، پرەزيدەنتتىڭ وعان جاساعانى بارىپ تۇرعان دورەكىلىك.
"مەنى باستان اياق قارالادى! ارينە، مەن ەندى سوتتقا جۇگىنەمىن. ايتارعا ءسوزىم جوق، شوشىپ قالدىم. مەن ول ناقۇرىستىڭ ىسىنە تاڭ قالىپ وتىرمىن"، - دەدى گودۋنوك.
گودۋنوكتىڭ ويىنشا، زەلەنسكيي ءوزىن پرەزيدەنتكە لايىق ۇستامادى، ال ول بار بولعانى مەملەكەت باسشىسىنا شىندىقتى جەتكىزبەك بولعان.
سونىمەن قاتار، گودۋنوك ءساۋىر ايىندا وتكەن پرەزيدەنتتىك سايلاۋدا ءوزىنىڭ زەلەنسكييگە داۋىس بەرگەنىن جانە سايلاۋدا ۇگىت-ناسيحات جۇرگىزگەنىن مويىندادى.
"مەنىڭ بالالارىممەن بىرگە "زەلەنسكييگە داۋىس بەرەيىك" دەگەن سۋرەتىم بار. سول ءۇشىن مەن ءتىپتى راديكال پارتياسىنان شىعارىلعان بولاتىنمىن. مەن ولەگ لياشكوعا زەلەنسكييدى سىناماي، قولدايىق دەگەنىم ءۇشىن ايىپتى بولدىم"، - دەدى ول.
گودۋنوك بۇرىنعى پرەزيدەنت پەتر پوروشەنكوعا قارسى بولعاندىقتان، زەلەنسكييگە داۋىس بەرۋگە ءماجبۇر بولعانىن مويىندادى.
"زەلەنسكيي ءبىزدىڭ ءارقايسىمىز پرەزيدەنتپىز دەدى - وندا ماعان ءسوز بەرىڭىز! مەن ءاربىر تيىنعا، ءاربىر قىلمىسقا جاۋاپ بەرۋگە دايىنمىن. سەنىڭىز! الايدا، پرەزيدەنت بولعانى ءۇشىن عانا ونىڭ ولاي ىستەۋگە قۇقىعى جوق. مەن ونىڭ بۇل قىلىعىن كەشىرمەيمىن"، - دەپ ءسوزىن تۇيىندەدى شەنەۋنىك.
وقي وتىرىڭىز:
پىكىر قالدىرۋ