ساپاربايەۆ كوتتەدجى بار ازاماتتاردىڭ جاردەماقى الىپ كەلگەنىن ايتتى دەپ حابارلايدى Qamshy.kz اقپارات اگەنتتىگى كتك تەلەارناسىنا سىلتەمە جاساپ.
اتاۋلى الەۋمەتتىك كومەكتى الاتىنداردىڭ سانى قىسقارادى. بۇل تۋرالى ەڭبەك جانە حالىقتى الەۋمەتتىك قورعاۋ ءمينيسترى بەردىبەك ساپاربايەۆ مالىمدەدى. مينيستر جاردەماقىنى تىپتەن 3 قابات ۇيلەرى بار ازاماتتاردىڭ الىپ كەلگەنىن العا تارتتى. ماماندار وڭىرلەردە ءبىرتالاي زاڭ بۇزۋشىلىقتى انىقتاعان.
ءقازىر قازاقستاندا 291 مىڭ وتباسى، ياعني 1 ميلليون 450 مىڭ ادام اتاۋلى الەۋمەتتىك كومەك الادى. ولارعا وسىعان دەيىن 87 ميلليارد تەڭگە تولەنگەن. ەڭ قىزىعى جاردەماقىنى الاتىنداردىڭ 38 پايىزى شىمكەنت قالاسى مەن تۇركىستان وبلىسىنىڭ تۇرعىندارى. ايتا كەتەيىك، 1 ساۋىردەن كەدەيشىلىك شەگى كۇنكورىس دەڭگەيىنىڭ 70 پايىزىنان تومەن وتباسىلارعا 20 789 تەڭگەدەن تولەنە باستادى.
پىكىر قالدىرۋ