"گولوس.دەتي" - 2019 بايقاۋىنىڭ قوس جەڭىمپازى قازاقستاندىق ەرجان ماكسيم مەن رەسەيدىڭ تانىمال ءانشىسى السۋدىڭ قىزى ميكەللا ابراموۆانىڭ بەينەبايانى جارىققا شىقتى دەپ حابارلايدى Qamshy.kz اقپارات اگەنتتىگى.
قوس جاس ونەرپازدىڭ بىرگە ايتقان "ەتا ليۋبوۆ" اتتى اندەرىنە تۇسىرىلگەن بەينەبايانى ۇلەن ساپارعا اياق باستى.
بۇل جاڭالىقتى ميكەللا ابراموۆا Instagram جەلىسىندەگى پاراقشاسىندا جانە YouTube-تاعى ارناسىندا جازىپ، جاريالادى.
"مىنە، ەرجان ماكسيممەن بىرگە تۇسىرىلگەن بەينەباياننىڭ كوپتەن كۇتكەن پرەمەراسى. بۇل ەڭ ءمولدىر سەزىم - ماحاببات تۋرالى جاقسى اڭگىمە. ونى ءاردايىم جۇرەگىڭىزدە ساقتاۋ كەرەكتىگىن ۇمىتپاڭىز!
وسى ءان مەن بەينەباياننىڭ دۇنيەگە كەلۋىنە سەپتىگىن تيگىزگەن جاندارعا العىس ايتقىم كەلەدى. جۇمىس كەرەمەت بولدى، ال ناتيجە بارلىق ءۇمىتتى اقتادى جانە اربىرىڭىزگە قولداۋ كورسەتىپ، لايك باسىپ، پىكىر قالدىرعاندارىڭىز ءۇشىن راحمەت! سىزدەردەن كەرى بايلانىس كۇتەمىز، مىندەتتى تۇردە ءوز پىكىرىڭىزدى قالدىرىڭىز جانە بەينەبايانمەن دوستارىڭىزبەن ءبولىسىڭىز"، - دەپ جازدى ميكەللا.
پىكىر قالدىرۋ