شقو-دا شاحتادا جۇمىسشى قازا تاپتى دەپ حابارلايدى Qamshy.kz اقپارات اگەنتتىگى شىعىس قازاقستان وبلىسى بويىنشا كورپوراتيۆتىك بايلانىستار دەپارتامەنتىنىڭ باسپا ءسوز قىزمەتىنە سىلتەمە جاساپ.
KAZ Minerals مالىمەتتەرى بويىنشا، قايعىلى وقيعا 13 شىلدەدە ساعات 03.00 شاماسىندا "ۆوستوكسۆەتمەت" ج ش س ورلوۆ شاحتاسىنىڭ اۋماعىندا بولعان.
"تاۋ-كەن ماسساسىنىڭ وپىرىلۋى سالدارىنان ورلوۆ شاحتاسىنىڭ بەكىتۋشىسى قاتتى جاراقات الىپ، قايتىس بولدى. تاعى ءبىر زارداپ شەككەن ادام اۋرۋحاناعا جەتكىزىلدى، ونىڭ ومىرىنە ەش ءقاۋىپ جوق. وقيعانىڭ ءمان-جايى مەن سەبەپتەرى انىقتالىپ جاتىر، قايعىلى وقيعانى تەرگەۋ بويىنشا ارنايى كوميسسيا قۇرىلدى. KAZ Minerals توبىنىڭ باسشىلىعى مەن ۇجىمى قازا تاپقان ادامنىڭ تۋعان-تۋىستارى مەن جاقىندارىنا كوڭىل ايتادى"، - دەلىنگەن حابارلامادا.
پىكىر قالدىرۋ