پوليسەيلەر تىزگىندەگەن قىزمەتتىك كولىك پەن كوشى-قون زاڭناماcىن بۇزعان شەتەلدىك ازاماتتار الماتى - ەكاتەرينگبۋرگ تاسجولىندا جول اپاتىنا ۇشىرادى دەپ حابارلايدى Qamshy.kz اقپارات اگەنتتىگى جامبىل وبلىستىق پد باسپا ءسوز قىزمەتىنە سىلتەمە جاساپ.
تاسجولدىڭ 380-شاقىرىمىندا SsanYong ماركالى اۆتوكولىك اۋدارىلعانى تۋرالى حابار جامبىل وبلىستىق پوليسيا دەپارتامەنتى كەزەكشى بولىمىنە 13-شىلدەدە 17:35-تە تۇسكەن.
"جول-كولىك وقيعاسى سالدارىنان مويىنقۇم اۋداندىق پوليسيا ءبولىمىنىڭ ەكى قىزمەتكەرى جانە ءبىر وزبەكستان رەسپۋبليكاسىنىڭ ازاماتى قازا تاپقان. جول-كولىك وقيعاسى كوشى-قون زاڭناماسىن بۇزعانداردى بولىمشەگە جەتكىزۋ كەزىندە بولعان"، - دەلىنگەن حابارلامادا.
وسى دەرەككە قاتىستى ق ر قىلمىستىق كودەكسىنىڭ 345-بابى 4-بولىگى ("كولiك قۇرالدارىن باسقاراتىن ادامداردىڭ جول ءجۇرىسى نەمەسە كولiك قۇرالدارىن پايدالانۋ قاعيدالارىن بۇزۋى") بويىنشا سوتقا دەيىنگى تەرگەۋ شارالارى جۇرگىزىلىپ جاتىر.
پىكىر قالدىرۋ