سابىر ەتەرسىز، ءقادىرلى وقىرمان! ءبىزدىڭ تاۋەلسىز قازاقستانىمىز 30 جىلدىق ەگەمەندىك مەجەسىندە ورتا ازيا ەلدەرى بويىنشا وز-وزىنە قول جۇمساۋدان كوش باستاپ كەلەدى.

30 جىل كولەمىندەگى ماسقارا ستاتيستيكانى شىعارعان امەريكالىق حيۋستون-داۋنتاۋن ۋنيۆەرسيتەتىنىڭ ءمۇعالىمى شاحناز ساۆاني ەدى. «ورتا ازياداعى سۋيسيد: ادام ءومىرىن قورعاۋدىڭ جولدارى مەن تاسىلدەرى» دەگەن تاقىرىپتا بايانداما وقىعان امەريكالىق ابىرويدى ايرانداي توكتى.

ەندى پايىزعا كەزەك بەرەلىك. ءوزىنىڭ ءومىرىن ءوز قولىنان قيعانداردىڭ 48،1 پايىزى قازاقستاندا، 15،8 پايىزى تۇرىكمەنستاندا، 13،6 پايىزى وزبەكستاندا، 7،2 پايىزى تاجىكستاندا ورىن العان.

شاحناز ءساۆانيدىڭ ايتۋىنشا، اتالعان ەلدەردە يسلام ءدىنىن ۇستاناتىنىنا قاراماستان، وز-وزىنە قول جۇمساۋ فاكتىلەرى ازايماي تۇر. شاحنازدىڭ ويىنشا، يسلام ءدىنى قاتە باسقان ادامعا ۇلكەن جازا قويىپ، كىناسىن بەتىنە باسا بەرەدى جانە ەشقانداي جان-جاقتى قولداۋ كورسەتپەيدى-مىس.