شەشەنستاننىڭ مادەنيەت ءمينيسترى انشىلەرگە كەز-كەلگەن جەرگە ءان ايتۋعا تىيىم سالدى دەپ حابارلايدى Qamshy.kz اقپارات اگەنتتىگى كتك تەلەارناسىنا سىلتەمە جاساپ.
شەشەنستاننىڭ مادەنيەت ءمينيسترى حوج-باۋدي داايەۆ الەۋمەتتىك جەلىدە تانىمال بولعان ەلدىڭ پوپ-انشىلەرىنە بيلىكتىڭ رۇقساتىنسىز اندەرىن جاريالاپ، كونسەرت قويۋعا تىيىم سالدى. داايەۆتىڭ مۋزىكانتتارمەن كەزدەسۋىن "گروزنىي" مەملەكەتتىك تەلەارناسى كورسەتتى.
سيۋجەتتە YouTube كانالى سوڭعى كەزدە "شەشەن ءداستۇرى مەن ەرەجەسىنەن اينالىپ ءوتىپ"، كەڭ اۋديتورياعا ونەر كورسەتەتىن الاڭعا اينالىپ كەتتى دەلىنگەن. سيۋجەت اراسىندا مادەنيەت ءمينيسترى داايەۆتىڭ ءوزىنىڭ جۇمىس بولمەسىندە پوپ-ورىنداۋشىلاردىڭ ءبىرىنىڭ بەينەبايانىن كورىپ، "سوزدەرى دە، قايىرماسى دا جوق" دەيدى. ءمينيستردىڭ ايتۋىنشا، ەگەر ادام ءانشى بولامىن دەپ شەشسە، ونىڭ مادەنيەت مينيسترلىگى ماقۇلداعان ارنايى رەپەرتۋارى بولۋى كەرەك دەپ ەسەپتەيدى.
شەشەنستان باسشىسى رامزان كادىروۆتىڭ بۇيرىعى بويىنشا مادەنيەت مينيسترلىگى جانىنان ارنايى كوميسسيا قۇرىلعان. اتالعان كوميسسيا ماقۇلداعان كەزدە عانا، انشىلەر حالىققا بارا الادى.
ءانشى ايۋب ۆاحاراگوۆتىڭ شەشەنستان مادەنيەت مينيسترىنە جاقپاي قالعان ءانى:
پىكىر قالدىرۋ