بەلگىلى ينۆەستور، قوعام بەلسەندىسى مارعۇلان سەيسەمباي قازاقستان پرەزيدەنتى قاسىم-جومارت توقايەۆ بەكىتكەن ۇلتتىق قوعامدىق سەنىم كەڭەسىنىڭ تىزىمىندە نە سەبەپتى جوق ەكەنىن ايتتى دەپ جازادى Qamshy.kz اقپارات اگەنتتىگى. بۇل تۋرالى سەيسەمباي ءوزىنىڭ Facebook پاراقشاسىندا جازدى.

مارعۇلان سەيسەمبايدىڭ جازۋىنشا، كەڭەستى قۇرۋشىلار ونىڭ قويعان شارتتارىن ورىنداماعان. 

"ولار مەنiڭ شارتىمدى ورىندامادى. مەن ولارعا ساياسي تۇتقىنداردى بوساتىڭدار، سوندا كەڭەسكە كiرەم دەپ شارت قويعانمىن. بۇل شارتتى ورىنداماي، كەڭەستە iستەۋ - امورالدى"، - دەپ جازدى سەيسەمباي ءوزىنىڭ جازباسىندا. 

قازاقستاندا 9 ماۋسىمدا وتكەن كەزەكتەن تىس پرەزيدەنت سايلاۋىنان كەيىن جەڭىسكە جەتىپ، ەل پرەزيدەنتى اتانعان توقايەۆ حالىق پەن بيلىكتىڭ اراسىندا ديالوگ ورناتۋعا ۋادە بەرىپ، ۇلتتىق قوعامدىق سەنىم كەڭەسىن قۇرۋعا تاپسىرما بەرگەن. ونىڭ كەڭەسشىلەرى مەن جوعارى بيلىك وكىلدەرى مارعۇلان سەيسەمباي، ارمان شورايەۆ، مۇحتار تايجان جانە ت.ب. قوعام بەلسەندىلەرىن شاقىرىپ، اقوردادا جەكە-جەكە قابىلدادى. سەيسەمباي سول كەزدە دە ۇلتتىق قوعامدىق سەنىم كەڭەسىن قۇرۋشىلار ءوزىنىڭ قويعان شارتىن ورىنداسا، كەڭەس مۇشەسى بولاتىنىن ايتقان. 

بۇگىن، ياعني، ماۋسىمنىڭ 17-دە پرەزيدەنت توقايەۆ  ۇلتتىق قوعامدىق سەنىم كەڭەسىنىڭ ەرجەسى مەن قۇرامىن بەكىتۋ تۋرالى قاۋلىعا قول قويعان.

كەڭەس قۇرامىنا قوعام قايراتكەرلەرى، ساياساتتانۋشىلار، جۋرناليستەر، دەپۋتاتتار جانە بەلسەندىلەر (بارلىعى 44 ادام) مۇشە بولدى.