بەلگىلى ينۆەستور، قوعام بەلسەندىسى مارعۇلان سەيسەمباي ۇلتتىق قوعامدىق سەنىم كەڭەسىنە نەگە كىرمەگەن سەبەپتەرىن اتاپ ءوتتى دەپ جازادى Qamshy.kz اقپارات اگەنتتىگى. بۇل تۋرالى مارعۇلان سەيسەمباي ءوزىنىڭ facebook پاراقشاسىندا جازدى.

قوعام بەلسەندىسى بۇعان دەيىن كەڭەسكە نەگە كىرمەگەنى تۋرالى قىسقاشا "ولار مەنiڭ شارتىمدى ورىندامادى. مەن ولارعا ساياسي تۇتقىنداردى بوساتىڭدار، سوندا كەڭەسكە كiرەم دەپ شارت قويعانمىن. بۇل شارتتى ورىنداماي، كەڭەستە iستەۋ - امورالدى"، - دەپ جازعان بولاتىن.

ال بۇگىنگى جازباسىندا كوپشىلىكتىڭ ساۋالىنا تولىقتاي جاۋاپ بەرۋدى ءجون كورگەن ەكەن. 

"مەنىڭ كوپتەگەن وقىرماندارىم نەلىكتەن مەنى ۇلتتىق كەڭەسكە الماعاندىعىن سۇرايدى. ەسكە سالا كەتەيىن، ماۋسىم ايىندا مەنى سول جەرگە شاقىرعان كەزدە، مەن بۇل تۋرالى فەيسبۋك پاراقشاما جازدىم جانە مەنiڭ ۇلتتىق كەڭەسكە كىرۋ شارتتارىمدى ۇسىندىم. شارتتار مىناداي ەدى:
1. ينتەرنەتتى بۇعاتتاۋدى توقتاتۋ.
2. ميتينگتە ۇستالعانداردى بوساتۋ.
3. ساياسي قاماۋداعىلاردى بوساتۋ.

مەنىڭ شارتتارىم ورىندالمادى، سايكەسىنشە مەن بۇل كەڭەس قاتىسۋشىلارىنىڭ تىزىمىندە جوقپىن. 

ەكىنشىدەن، كەڭەستىڭ مۇشەسi بولۋى ءۇشiن ءاربiر ءۇمiتكەر كەم دەگەندە 10 مىڭ قول جيناۋى ءتيىس دەگەن ەدىم. بۇل شارتتى ءۇمiتكەرلەر ورىنداي الماسا، كەڭەستە كىمنىڭ اتىنان شىقپاق، كiمنiڭ مۇددەسiن قورعاماق؟

ۇشىنشىدەن، شارتتار قويماۋ كەرەك ەدى، كەڭەسكە ەش بiر شارتسىز قاتىسۋ قاجەت ەدى دەيتىن ادامدارعا ايتارىم تومەندەگىدەي.

دوستار، ءسىز ءوزiڭiزدiڭ سەنىمiڭiزدi اۆتوكولىك رەتiندە ەلەستەتiپ كورiڭiزشi. ەندى ءسىزدىڭ كورشىڭىز ماشينانى ۋاقىتشا الىپ، ونى ءبۇتىن جانە زيانسىز قايتارۋعا ۋادە بەرگەنىن ەلەستەتىڭىز. الايدا، ءار جولى ول ءسىزدىڭ كولىگىڭىزدىڭ بىت-شىتىن شىعارىپ قايتارادى. ءبىراق ءسىز وعان ەشتەڭە جاساي المايسىز. ول سىزدەن كۇشتi. مىنە، ول تاعى دا ءسىزدىڭ ماشيناڭىزدى سۇرايدى. ءسىز نە ىستەيسىز؟ باس تارتساڭىز توبەلەس بولادى. سوندا ءسىز ونىڭ سوزىندە تۇرۋى، ماشينانى بۇتىندەي قايتارامىن دەگەن ۋادەلەرىن ورىنداۋى ءۇشiن ودان الدىن الا كەپiلاقى سۇرامايسىز با؟ 

مىنە، مەن دە وسىلاي جاسادىم. ەگەر سiزدەردiڭ شىن مانىندە ساياسي رەفورمالاردى جاساۋعا نيەتiڭiز بولسا، وندا ءۇش شارتتى ورىنداپ، ساياسي قاماۋداعىلاردى بوساتىڭدار دەدىم. وسىدان كەيىن سىزدەرگە سەنىپ، جۇمىس ىستەيتىن بولامىن دەپ ايتتىم. سوندا بۇل كەڭەس ىس-ارەكەتكە قابىلەتتى بولماسا دا، ساياسي قۇربانداردىڭ بوستاندىققا شىققانىنىڭ ءوزi كەرەمەت ناتيجە رەتiندە قابىلداپ، مەن جايدان-جاي ءبىر جىل بويى ۋاقىتىمدى بوسقا كەتىرمەگەنiمدi بىلەتىن بولامىن.

ال ەگەر بيلiكتە بۇنداي نيەت بولماسا، وندا مەن نەگە كەڭەستە بولۋىم كەرەك؟