رەسەيدىڭ ۆلاديمير سولوۆيەۆ جۇرگىزەتىن باعدارلاماسىندا امەريكانىڭ دايىنداعان بيولوگيالىق قارۋ جايلى وزەكتى ماسەلە تالقىلاندى دەپ جازادى Qamshy.kz اقپارات اگەنتتىگى.
باعدارلاما باستالىسىمەن-اق اقش جايلى ءسوز قوزعاعان جۇرگىزۋشى سولوۆيەۆ:
"اقش بيولوگيالىق جارىلعىش زاتتاردى دايىنداپ قويعان. ارينە ءوز جەرىندە ەمەس. رەسەيگە جاقىن مەملەكەتتەرگە. ول — ۋكراينا، وزبەكستان، قازاقستان ەلدەرىندە. پەنتاگوندىقتار ءدال وسى جارىلعىش زاتتاردىڭ ادامعا، تابيعاتقا اسەرىن باقىلاپ جاتىر. بۇل وتە ماڭىزدى ماسەلە، وعان جەڭىل قاراۋعا بولمايدى»،- دەدى.
ستۋديادا قوناقتار مەن جۇرگىزۋشى دەباتقا ءتۇسىپ، پىكىرلەر ەكىگە ءبولىندى.
«اسكەري بيولوگيالىق زەرتتەۋشىلەر جارىلعىش زاتتى ىزدەپ جاتىر. ولاردى جارىپ جىبەرۋ وتە ءقاۋىپتى»،- دەگەن ويلارعا سولوۆيەۆ ىركىلمەستەن:
«جارىپ جىبەرە سالساق شە، سول جارىلعىشتى. مەن جاس ەمەسپىن. ومىردەن كورگەنىمدى عانا ايتايىن. جاقىندا يزرايلدە بولعان وقيعانى ەسكە تۇسىرىڭىزدەر. شەكارانى ساقتاۋ بىزگە دە وتە قيىن بولىپ تۇرعان شىعار، بىلمەيمىز عوي. الماتى — قالالار مەن اۋىلداردىڭ ورتاسىندا. ونداعى جارىلعىش زاتتاردى جارۋ ءۇشىن ارنايى قۇرىلعىلار دا بار. ول قالادا ميلليونداعان ادامدار بار. ەگەر ول زەرتحاناداعى جارىلعىشتى بىردەن جارىپ جىبەرسە، الماتى جويىلىپ كەتەدى. بيلىك باسىنداعىلار دا ويلاناتىن شىعار. شەتەلدەن كەلگەن كەز-كەلگەن زاتتى تەكسەرەتىن شىعار»،- دەيدى.
«بيولوگيالىق قارۋ وتە ارزان، وتە ءقاۋىپتى جانە كوزگە كورىنبەيتىن قارۋ. ونىڭ اعزاڭا قالاي كىرىپ كەتەتىنىن دە بايقاماي قالاسىڭ»،- دەپ كەسە ايتتى باعدارلاما قوناقتارى.
بيولوگيالىق قارۋ، باكتەريولوگيالىق قارۋ — ادامداردى، جان-جانۋارلاردى اۋىر دەرتكە شالدىقتىرۋ ارقىلى قاتاردان شىعارۋعا نەگىزدەلگەن جاپپاي زاقىمداعىش قارۋ. بيولوگيالىق قارۋدىڭ اسكەري جاعىنان جوعارى تيىمدىلىگى ىندەت تۋدىرعىش دوزاسىنىڭ شاعىندىعى، ۇلكەن اۋماققا جاسىرىن تۇردە قولدانۋعا بولاتىندىعى، مولشەرىن ايقىنداۋ مەن ينديكاسيالاۋدىڭ قيىندىعى، ارەكەتىنىڭ تاڭدامالىلىعى (تەك ادامعا، بەلگىلى ءبىر جان-جانۋار تۇرلەرىنە اسەر ەتۋى)، پسيحولوگيالىق اسەرىنىڭ كۇشتىلىگى، اسكەر مەن تۇرعىن حالىقتى بيولوگيالىق قورعاۋدىڭ جانە قولدانعاننان كەيىنگى ونىڭ زياندى اسەرىن جويۋ جونىندەگى جۇمىستار كولەمىنىڭ اۋقىمدىلىعى ءارى كۇردەلىلىگى ارقىلى انىقتالادى.
پىكىر قالدىرۋ