بۇگىن، 22 شىلدەدە 10 اۆتوبۋس №10 جانە №20 باعىتتارى بويىنشا جولعا شىقتى. وبلىس ورتالىعى قوعامدىق كولىك تۇجىرىمداماسىن جۇزەگە اسىرۋدى جالعاستىرۋدا دەپ حابارلايدى Qamshy.kz اقپارات اگەنتتىگى اتىراۋ وبلىسىنىڭ وڭىرلىك كوممۋنيكاسيالار قىزمەتىنە سىلتەمە جاساپ.

قالا ىشىندە جولاۋشىلار تاسىمالىنا ارنالعان بۇل اۆتوبۋستاردىڭ ۇزىندىعى 8،5 مەتر. سىيىمدىلىعى 50 جولاۋشى. قوستاناي قالاسىنان شىعارىلعان «Ankai» ماركالى اۆتوبۋستار «ايس ترانس حولدينگ» مەكەمەسىنە سەنىمگەرلىك باسقارۋعا بەرىلگەن.

"وبلىس اكىمىنىڭ تاپسىرماسىمەن قوعامدىق كولىكتەردى جاڭارتۋ جۇمىستارى قارقىندى ءجۇرىپ جاتىر. قوعامدىق كولىكتەردى «ايس ترانس حولدينگ» مەكەمەسىنە سەنىمگەرلىك باسقارۋعا بەرىپ جاتىرمىز. ونىڭ بەسەۋى №10 اۆتوبۋسقا، قالعان بەسەۋى №20 اۆتوبۋسقا بەرىلدى. اۆتوبۋستار قازىرگى زامان تالاپتارىنا سايكەس كەلەدى. ىشىندە ارنايى سالقىنداتقىشى، مۇمكىندىگى شەكتەۋلى جاندارعا پاندۋستار ورناتىلعان، سونداي-اق، 4 بەينە باقىلاۋ كامەراسىمەن جابدىقتالعان"،- دەيدى جولاۋشىلار تاسىمالى جانە اۆتوموبيل جولدارى باسقارماسىنىڭ باسشىسى اسەت ورازعالييەۆ.

ايتا كەتەيىك، اتىراۋ وبلىسىنىڭ اكىمى نۇرلان نوعايەۆ اتىراۋداعى قوعامدىق كولىكتىڭ جاڭا تۇجىرىمداماسىن ەنگىزۋ تۋرالى جاريالادى. جولاۋشىلار تاسىمالى رەفورماسى جاڭا اۆتوبۋستار ساتىپ الۋدى، قوسىمشا باعىتتاردى دامىتۋدى، سونداي-اق قالالىق قوعامدىق كولىكتە قىزمەت كورسەتۋ ساپاسىن جاقسارتۋدى قامتيدى.