قازاقستانداعى اقش-تىڭ ءبىرىنشى ەلشىسى ۋيليام كورتني پرەزيدەنت قاسىم-جومارت توقايەۆتى الماتىدا جۋرناليستەرگە جاسالعان شابۋىلدى ايىپتاۋعا شاقىردى دەپ حابارلايدى Qamshy.kz اقپارات اگەنتتىگى كازتاگقا سىلتەمە جاساي وتىرىپ. 

"شابۋىلدار، مۇمكىن، قاۋىپسىزدىك ورگاندارى ۇيىمداستىرعان، قازاقستان ۇكىمەتىندە ءالى كۇنگە دەيىن ازاماتتىق قوعام جانە قارسىلىق بىلدىرۋشىلەرمەن ءوزارا قارىم-قاتىناس ستراتەگياسىنىڭ جوقتىعىنىڭ بەلگىسى بولار. ەگەر توقايەۆ جۋرناليستەرگە جاسالعان شابۋىلدى ايىپتاماسا، ونىڭ ازاماتتىق قوعاممەن بىرلەسىپ ارەكەت ەتەمىن دەگەن ۋادەسى بوس ءسوز بولىپ قالۋى مۇمكىن"، - دەپ اتاپ ءوتتى كورتني.

بۇعان دەيىن حابارلانعانداي، الماتىدا انالاردىڭ ىزىنە تۇسۋگە قاتىستى باسپا ءسوز ءماسليحاتىندا جۋرناليستەرگە شابۋىل جاسالعان ەدى. قازتاگ حاا قىزمەتكەرلەرىنىڭ اپپاراتۋراسىنىڭ تارتىپ الىنعانى، ال «الماتى» تەلەارناسى مەن «ازاتتىق راديوسىنىڭ» كامەرالارىنىڭ مۇلدەم سىندىرىلعانى تۋرالى حابارلانعان ەدى. پوليسيا شاقىرىلعان، الايدا ول قۇقىقبۇزۋشىلارعا قاتىستى ەشقانداي شارا قولدانباعان. 
ب ا ق قىزمەتكەرلەرى «مەملەكەت انالارمەن جانە بالالارمەن كۇرەسىپ جاتىر» تاقىرىبىنداعى باسپا ءسوز ءماسليحاتىنان حابار تاراتپاق بولعان. 

"2019 جىلدىڭ 4 شىلدەسىندە الماتىنىڭ تەرگەۋ سوتى قدت-عا (تىيىم سالىنعان "قازاقستان دەموكراتيالىق تاڭداۋى" قاتىستىلىعى بويىنشا ايىپتالىپ جاتقان جازيرا دەمەۋوۆا، گۇلزيپا جاۋكەروۆا مەن وكسانا شيەۆچۋكتى ءۇي قاماعىندا ۇستاۋ تۇرىندەگى بۇلتارتپاس شاراسىن ەكى ايعا قاماۋعا الۋعا وزگەرتتى. قولدارىندا كىشكەنتاي نارەستەلەرى بار (سونىڭ ىشىندە ەمشەكتەگى جانە ەرەكشە قاجەتتىلىگى بار) بارلىق ايەلگە «ءتىنتۋ» ناتيجەلەرى نەگىزىندە بولماعان ميتينگكە بەلسەندى تۇردە دايىندالعان دەگەن ايىپ تاعىلعان. وكسانا شيەۆچۋكتىڭ قورعاۋشىسى قورعالۋشىسىنىڭ ۇيىندە ءتىنتۋدىڭ قالاي جۇرگىزىلگەنىن، سونداي-اق اۋداندىق سوت شەشىمىمەن ەكسترەميستىك بولىپ تانىلعان ۇيىمعا شىن مانىندەگى قاتىسىتىلىعى بار-جوعى تۋرالى اقپارمەن ءبولىستى"، - دەلىنگەن جاقىندا جۋرناليستەردىڭ قولىنا تيگەن شارانىڭ اڭداتپاسىندا. 

باسپا ءسوز ءماسليحاتىندا وكسانا شيەۆچۋكتىڭ قورعاۋشىسى عالىم نۇرپەيسوۆ پەن وكسانانىڭ ءتورت بالاسىن تاربيەلەۋگە العان ونىڭ اناسى سويلەۋ كەرەك بولاتىن.

ەسكە سالساق، 1 مامىردا وتكەن نۇر-سۇلتان مەن الماتىداعى بەيبىت ميتينگ ناتيجەسىندە 80-گە جۋىق ادام ۇستالعان ەدى. 
قارسىلىق اكسيالارى باسقا دا قالالاردا ءوتتى. كوشەگە شىققان ازاماتتار سايلاۋعا بويكوت جاريالاپ، ەلوردانىڭ اتاۋىن وزگەرتۋگە جانە اەس قۇرىلىسىنا قارسىلىق ءبىلدىرىپ، الماتىدا ۇستالعان بەلسەندىلەر ءاسيا تولەسوۆا مەن تولىمبەكوۆكە قولداۋ بىلدىرگەن. ولار 21 ساۋىردە ءاسيا تولەسوۆا مەن بەيبارىس تولىمبەكوۆتىڭ الماتى مارافونىندا «وت پراۆدى نە ۋبەجيش»، #ۋمەنياەستۆىبور، #ADILSAILAYUSHIN جازۋى بار پلاكاتتاردى ۇستاپ شىققانى ءۇشىن 15 تاۋلىككە قامالعان ەدى.

1-مامىردا قارسىلىق اكسيالارى ەلىمىزدىڭ باسقا دا ءىرى قالالارىندا ءوتتى. پوليسيا ميتينگتەردى سانكسيالانباعان دەپ اتاپ، ميتينگكە شىققان ازاماتتاردىڭ ارەكەتىنە زاڭ تۇرعىسىندا باعا بەرۋگە ۋادە بەردى. 

كوپ بالالى انالاردىڭ ازاماتتىق اكسيالارعا قاتىسۋى استانادا 4 اقپانعا قاراعان ءتۇنى سارىارقا اۋدانى شىڭعىستاۋ كوشەسى بويىنداعى جەكە تۇرعىن ءۇيدىڭ اۋلاسىندا بولەك ورنالاسقان ۋاقىتشا جايدان ءورت شىققاننان كەيىن جيىلەپ كەتكەن. ءورتتى ءسوندىرۋ بارىسىندا بەس بالانىڭ ءمايىتى تابىلعان: 2006، 2008، 2013، 2015 جانە 2018 جىلى تۋىلعان. قۇتقارۋشىلار ناقتىلاعانداي، اتا-انالار ول كەزدە جۇمىستا بولعان. كوپتەگەن قازاقستاندىقتىڭ پىكىرىنشە، ەگەر ەلدەگى الەۋمەتتىك-ەكونوميكالىق جاعداي تۇنگى اۋىسىمداعى جۇمىسقا بارۋ ءۇشىن بالالارىن قاراۋسىز قالدىرۋعا تۋرا كەلمەيتىندەي جاعداي جاساسا عانا قايعىلى جاعدايدىڭ الدىن الۋعا بولار ەدى.

قازاقستاننىڭ ءبىرقاتار وڭىرلەرىندە ازاماتتاردىڭ جۇمىسقا ورنالاستىرۋ جانە جالاقىلارىن كوتەرۋ تۋرالى جاپپاي تالاپ قويۋى، سونداي-اق ءىرى قالالارداعى، سونىڭ ىشىندە استانا مەن الماتىداعى كوپ بالالى انالاردىڭ ميتينگ وتكىزۋى حالىقتىڭ كوڭىلى تولماۋشىلىقتىڭ ناتيجەسى بولىپ وتىر. 

ءبىرىنشى مامىرداعى ميتينگ ءىسى بويىنشا الماتىنىڭ تەرگەۋ سوتى 1 ماۋسىم كۇنى كەشكىسىن ەكى جالعىزباستى ايەل جازيرا دەمەۋوۆا مەن گۇلزيپا جاۋكەروۆاعا قاتىستى بۇلتارتپاس شاراسىن تاڭدادى. سوت تىيىم سالىنعان ۇيىم ارەكەتىنە قاتىسۋى مۇمكىن كۇدىكتىلەردى ەكى ايعا ءۇي قاماعىنا الۋ تۋرالى ۇكىم شىعاردى. سونىمەن قاتار ءۇي قاماعىنا كوپ بالالى انا وكسانا شيەۆچۋك تە الىندى. ونىڭ ءتورت بالاسى بار، كىشكەنتايى سەگىز ايلىق. 4 شىلدەدە بەلگىلى بولعانداي، ولاردىڭ بارلىعىنا قاتىستى قابىلدانعان «ءۇي قاماعىنا الۋ» شاراسى «قاماۋعا الۋعا» اۋىستىرىلعان.