14 جاستاعى اقتاۋلىق بالا سينگاپۋردا ءوتىپ جاتقان «يۋۆەنتۋس» -«توتتەنحەم» ماچى كەزىندە الاڭعا جۇگىرىپ شىعىپ، ايگىلى كريشتيانۋ رونالدۋمەن سۋرەتكە ءتۇستى دەپ حابارلايدى Qamshy.kz اقپارات اگەنتتىگى «حابار 24» ارناسىنا سىلتەمە جاساپ.
قازاقستاندىق بالا 21 شىلدە كۇنى وتكەن ماچتى اكەسىمەن بىرگە تاماشالاعان. اكەسى وعان بۇل ماچتى ونىڭ تۋعان كۇنىنە تارتۋ ەتكەن ەكەن.
14 جاستاعى احمادي ەرجانوۆ پورتۋگاليالىق فۋتبولشى كريشتيانۋ رونالدۋدىڭ جانكۇيەرى. ونىڭ اكەسى العاشىندا ۇلىنا «يۋۆەنتۋستىڭ» فۋتبول لاگەرىنە جولداما سىيلاماق بولعان. ودان كەيىن ەر ادام «يۋۆەنتۋس» – «توتتەنحەم» ماچىنا بيلەتتەر ساتىپ الادى.
ەستەرىڭىزگە سالا كەتەيىك، «يۋۆەنتۋس» – «توتەنحەم» ماچى 21 شىلدەدە سينگاپۋردە ءوتتى. ويىن 3:2ەسەبىمەن «توتتەنحەمنىڭ» جەڭىسىمەن اياقتالدى.
پىكىر قالدىرۋ