رەسپۋبليكالىق ايقىن گازەتىنىڭ ديرەكتورى-باس رەداكتورى نۇرتورە ءجۇسىپ ءوز Facebook پاراقشاسىنا مۇحتار جاكىشيەۆتىڭ ازاتتىققا ءبىرجولا شىعۋىن تالاپ ەتىپ، جازبا سالدى دەپ جازادى Qamshy.kz اقپارات اگەنتتىگى.

"قازاق ۋرانىن الەمدىك نارىققا شىعارعان، قازاقستانعا تىكەلەي ينۆەستيسيا قۇيىلۋىنا ىقپال ەتكەن ابزال ازامات مۇحتار جاكىشيەۆتىڭ ازاتتىققا ءبىرجولا شىعۋىن تالاپ ەتەمىز! "باسى ىستەيتىن" قازاقتار كوپ ەمەس ەدى...سولاردىڭ اراسىندا مۇحتار جاكىشيەۆتىڭ ورنى ەرەكشە. تۇرمەدە دەنساۋلىعىنان ايرىلدى، ازاپ شەكتى. سوت ءادىل شەشىم شىعارۋى ءتيىس!"،- دەلىنگەن جازبادا.

ەستەرىڭىزگە سالا كەتەيىك، وسىدان ون جىل بۇرىن "قازاتومونەركاسىپ" ۇلتتىق كومپانياسىنىڭ بۇرىنعى باسشىسى اسا ءىرى كولەمدە الاياقتىق جاسادى جانە وزىنە سەنىپ تاپسىرىلعان مەملەكەت مۇلكىن تالان-تاراجعا سالعان دەگەن ايىپپەن 14 جىلعا اباقتىعا توعىتىلعان بولاتىن.