قازاقستان رەسپۋبليكاسى ۇلتتىق قاۋىپسىزدىك كوميتەتى الماتى، شىمكەنت جانە قىزىلوردا قالالارىندا اتىس قارۋىن زاڭسىز ساتۋمەن اينالىسقان قىلمىستىق توپتاردىڭ قۇقىققا قارسى ارەكەتتەرىنىڭ جولىن كەستى دەپ حابارلايدى Qamshy.kz اقپارات اگەنتتىگى ق ر ۇقك باسپا ءسوز قىزمەتىنە سىلتەمە جاساپ.
جاسىرىن تەرگەۋ ارەكەتتەرىن جۇرگىزۋ بارىسىندا 8 "كالاشنيكوۆ" اۆتوماتى جانە 2 تاپانشانى ساتۋ فاكتىلەرى قۇجاتتاندىرىلدى. اتالعان قارۋ زاڭدا بەلگىلەنگەن تارتىپپەن جۇرگىزىلدى.
2019 جىلعى 18 جانە 19 شىلدەcىندە الماتى جانە شىمكەنت قالالارىندا توپ مۇشەلەرىن ۇستاۋ بويىنشا ارنايى وپەراسيا وتكىزىلدى. ولاردىڭ كەيبىرى دەسترۋكتيۆتى ءدىني اعىمداردى ۇستانۋشى جانە "ۇرىلار قاۋىمداستىعى" اتالمىش وكىلدەرىمەن تۇراقتى بايلانىسى بار ادامدار.
ءتىنتۋ ءىس-شارالارى بارىسىندا فيگۋرانتتاردىڭ ءبىرىنىڭ تۇرعىلىقتى مەكەنجايى بويىنشا قولمەن قۇراستىرۋعا جانە قارۋدى قايتا جاساۋعا ارنالعان ستانوك پەن قۇرال-سايماندار تابىلدى.
قابىلدانعان شارالار ناتيجەسىندە قازاقستان رەسپۋبليكاسى اۋماعىنا قارۋ اكەلەتىن كەزەكتى ءىرى ارنا جويىلدى. ۇستالعان ادامدار بۇرىن ساتقان كريمينالدىق قارۋدى زاڭسىز اينالىمنان الۋ بويىنشا ءىس-شارالار جۇرگىزىلۋدە.
پىكىر قالدىرۋ