مەملەكەت باسشىسى قاسىم-جومارت توقايەۆ قورعانىس ءمينيسترى نۇرلان ەرمەكبايەۆتى قابىلدادى دەپ جازادى Qamshy.kz اقپارات اگەنتتىگى اقورداعا سىلتەمە جاساپ.
قاسىم-جومارت توقايەۆقا قازاقستان قارۋلى كۇشتەرىنىڭ اسكەري دايىندىق جاعدايى، سونداي-اق، ارىس قالاسىن قالپىنا كەلتىرۋ جۇمىستارىنىڭ بارىسى تۋرالى مالىمەت بەرىلدى. سونىڭ ىشىندە قازاقستان پرەزيدەنتىنە قالا اۋماعىنداعى ءوق-دارى قالدىقتارىن ىزدەۋ، تازارتۋ شارالارى، سونداي-اق، ارىستاعى اسكەري قالاشىقتى قالپىنا كەلتىرۋ جۇمىستارى جونىندە باياندالدى. قورعانىس ءمينيسترىنىڭ ايتۋىنشا، بۇگىنگە دەيىن اسكەري قويمالاردان ءۇش مىڭ تونناعا جۋىق ءوق-دارى ءقاۋىپسىز جەرلەرگە شىعارىلعان.
قاسىم-جومارت توقايەۆ جارىلىس سالدارىن جويۋ جانە وق-دارىلەردى شىعارۋ جۇمىستارىنىڭ ۋاقتىلى اتقارىلۋىن قامتاماسىز ەتۋدى، سونداي-اق، قازا بولعانداردى، قۇتقارۋ جانە قالپىنا كەلتىرۋ جۇمىستارى كەزىندە ەرەكشە كوزگە تۇسكەن اسكەري قىزمەتشىلەر مەن ءتيىستى قىزمەت وكىلدەرىن ماراپاتتاۋدى تاپسىردى.
سونىمەن قاتار، مەملەكەت باسشىسىنا كەزەڭدەرىنىڭ ءبىر بولىگى قازاقستان اۋماعىندا وتەتىن الداعى اسكەري ويىندارعا دايىندىق بارىسى تۋرالى مالىمەت بەرىلدى.
