بۇل مالىمەتتى ونىڭ ادۆوكاتى ايگۇل امىرەنوۆا راستادى دەپ حابارلايدى Qamshy.kz اقپارات اگەنتتىگى Tengrinews.kz سايتىنا سىلتەمە جاساپ.

"ول (ەلميرا سۋحانبەردييەۆا - تۇسىندىرمە) قازاقستاندا، نۇر-سۇلتاندا، وتباسىمەن بىرگە. مەن ەڭبەك دەمالىسىنا شەتەلگە شىقتىم. ول قازاقستاندا، ءوز ۇيىندە. مەنىمەن كۇن سايىن بايلانىستا جانە ەشقايدا كەتۋدى جوسپارلاپ وتىرعان جوق. سوت ۇكىمى بۇگىن كۇشىنە ەندى جانە وعان قارسىلىق بىلدىرگەندەر بولمادى. ول ايىپپۇلدى تولىعىمەن وتەپ قويدى. ءىس جابىلدى"، - دەدى ايگۇل امىرەنوۆا. 

وسىعان دەيىن، Telegram-كانالدارىنىڭ بىرىندە ەلميرا سۋحانبەردييەۆا ەل اۋماعىنان شىعىپ كەتكەنى تۋرالى اقپارات تاراعان ەدى.  تاياۋدا ءبىلىم جانە عىلىم ۆيسە-مينيسترى بولعان ەلميرا سۋحانبەردييەۆاعا قاتىستى سوت ۇكىمى شىقتى. سوت ەلمير سۋحانبەردييەۆانى كىنالى دەپ تانىپ، وعان مەملەكەتتىك قىزمەتتە قىزمەت اتقارۋ قۇقىعىنان ءومىر بويى ايىرىپ، 2500 اەك كولەمىندە ايىپپۇل تۇرىندە جازا تاعايىندادى.

ايتا كەتەيىك، بۇعان دەيىن سوتتا ەلميرا سۋحانبەردييەۆا مەن ەلەنا شيەۆەرنيايەۆا كىناسىن تولىق مويىنداعان. بۇرىن ولار پروكۋرورمەن ءىس جۇرگىزۋ كەلىسىمىن جاساعان، وسىعان بايلانىستى قىلمىستىق ءىس سوتقا جەدەلدەتىلگەن تارتىپتە جىبەرىلگەن. ايتا كەتەيىك، بۇرىن سوتقا دەيىنگى تەكسەرۋ بارىسىندا ەلميرا سۋحانبەردييەۆاعا پارا الدى دەگەن ايىپ تاعىلعان.

"پارا بولعان جوق. ءبىز بۇعان دەيىن دە كەلىسپەگەنبىز، سەبەبى بىزگە تاعىلىپ وتىرعان ايىپتىڭ نەگىزى بالالارعا سلەتتە بەرىلۋى ءتيىس بولعان ەكى iPhone بولعان. بۇل باستاپقىدا پارا دەپ باعالاندى. سودان كەيىن بۇل باپتى الىپ تاستادى"، - دەپ حابارلادى ەلميرا سۋحانبەردييەۆانىڭ قورعاۋشىسى ايگۇل امرەنوۆا.