ق ر ۇلتتىق قاۋىپسىزدىك كوميتەتى الماتى، شىمكەنت جانە قىزىلوردا قالالارىندا زاڭسىز قارۋ ساتۋمەن اينالىسقان قىلمىستىق توپتاردى قۇرىقتادى دەپ حابارلايدى Qamshy.kz اقپارات اگەنتتىگى قر ۇقك باسپا ءسوز قىزمەتىنە سىلتەمە جاساپ.
ەسكەرتۋسىز تەكسەرۋ جۇرگىزۋ شاراسى كەزىندە 8 كالاشنيكوۆ اۆتوماتى جانە 2 تاپانشانى ساتۋ فاكتىسى تىركەلدى. بۇل قارۋلار زاڭدى جولمەن تاركىلەنىپ الىندى.
2019 جىلعى 18 جانە 19 شىلدەcىندە الماتى جانە شىمكەنت قالالارىندا توپ مۇشەلەرىن ۇستاۋ بويىنشا ارنايى وپەراسيا وتكىزىلدى. ولاردىڭ كەيبىرى دەسترۋكتيۆتى ءدىني اعىمداردى ۇستانۋشى جانە "قاراقشىلار قاۋىمداستىعىنىڭ" وكىلدەرىمەن تۇراقتى بايلانىسى بار ادامدار بولىپ تابىلادى.
ءتىنتۋ ءىس-شارالارى كەزىندە فيگۋرانتتاردىڭ ءبىرىنىڭ تۇرعىلىقتى مەكەنجايىنان قولمەن قۇراستىرۋعا جانە قارۋدى قايتا جاساۋعا ارنالعان ستانوك پەن قۇرال-سايماندار تابىلدى.
قابىلدانعان شارالار ناتيجەسىندە قازاقستان رەسپۋبليكاسى اۋماعىنا قارۋ اكەلەتىن كەزەكتى ءىرى ارنا جويىلدى. ۇستالعان ادامدار بۇرىن ساتقان كريمينالدىق قارۋدى زاڭسىز اينالىمنان الۋ بويىنشا ءىس-شارالار جۇرگىزىلۋدە.
پىكىر قالدىرۋ