بۇرىنعى ءبىلىم جانە عىلىم ۆيسە-مينيسترى ەلميرا سۋحانبەردييەۆانىڭ كەنجە ۇلى قايتىس بولدى، - دەپ حابارلايدى Qamshy.kz اقپارات اگەنتتىگى Tengrinews.kz سايتىنا سىلتەمە جاساپ.

"دوستار، جازۋدىڭ ءوزى قيىن، ءبىراق ەلميرا امانگەلدى قىزى سۋحانبەردييەۆانىڭ سۇيىكتى ءارى كەنجە ۇلى ءىلياس قايتىس بولدى... ءبىر ءوزى قانشاما سىننان ءوتىپ جاتىر. ومىردەگى ەڭ جامانى جاقىندارىڭدى جوعالتۋ، ال ول ءوز بالالارىڭ بولسا، ونى قابىلداۋ تىپتەن مۇمكىن ەمەس... يماندى بولسىن، كىشكەنتاي پەرىشتە... مۇنداي جاعداي بولماس ءۇشىن، بارلىعىمىز بىر-بىرىمىزگە قاراپ، ادامدى قۋدالاپ، ءتۇرلى ايلا-امالداردى جاساۋدىڭ قاجەتى جوق"، - دەپ جازدى ءبىلىم جانە عىلىم ۆيسە-مينيسترىنىڭ بۇرىنعى كەڭەسشىسى مايراش تايكەن Facebook جەلىسىندەگى پاراقشاسىندا.

"چاتتان كوردىم. وندا بارلىعى كوڭىل ايتىپ جاتىر. بۇل جاعدايدىڭ ءمان-جايىن بىلمەيمىن، ەلميرا امانگەلدى قىزىنىڭ كومەكشىسىنە، اپكەسىنە حابارلاسىپ جاتىرمىن، ءبىراق تەلەفوندى ەشكىم الماي جاتىر. ماعان بۇرىنعى ۆيسە-مينيستر حابارلاسىپ، وسى حاباردى چاتتان ساعات تۇنگى 11-دە وقىعانىن ايتتى. ول كەزدە مەنىڭ تەلەفونىم ءسوندىرۋلى بولاتىن، جاڭا عانا كوردىم. (...) ەڭ سۇيىكتى ۇلى ەدى"، -دەدى كوزىنە جاس الىپ مايراش تايكەنوۆا.

ونىڭ ايتۋىنشا، سۋحانبەردييەۆانىڭ ۇلى ەشقانداي اۋرۋمەن اۋىرماعان.