بۇرىنعى ءبىلىم ۆيسە-مينيسترى ەلميرا سۋحانبەردييەۆانىڭ ۇلىنىڭ قازاسىنىڭ ءمان-جايى بەلگىلى بولدى دەپ حابارلايدى Qamshy.kz اقپارات اگەنتتىگى.
قايعىلى وقيعا بەيسەنبى ىلە اۋدانىنداعى وتەگەن باتىر اۋىلىندا بولعان. ساعات 22:10 كەزىندە الماتى وبلىسى بويىنشا توتەنشە جاعدايلار دەپارتامەنتىنىڭ كەزەكشىلىك بولىمىنە ءۇيدىڭ اۋلاسىنداعى باسسەينگە كىشكەنتاي بالانىڭ باتىپ كەتكەنى تۋرالى حابارلاما ءتۇستى.
"وقيعا ورنىنا كەلگەن ىلە اۋدانى توتەنشە جاعدايلار ءبولىمىنىڭ قىزمەتكەرلەرى ۇلكەندەردىڭ قاراۋىنسىز قالعان 2015 جىلى تۋعان بالانىڭ ءۇيدىڭ ماڭىنداعى باسسەينگە قۇلاپ، باتىپ كەتكەنىن انىقتادى"، - دەپ حابارلادى وبلىستىق توتەنشە جاعدايلار دەپارتامەنتىنىڭ باسپا ءسوز قىزمەتى.
پىكىر قالدىرۋ